بسم الله الرحمن الرحيم
حكايتي مع الفوركس بدات من خمس سنوات ..رحت ازور اخويا التوام مراته فتحت لي الباب ..فين جوزك مش باين ليه قالت لي اخوك اتجنن وحابس نفسه جوه مع الكمبيوتر ..دخلت عليه لقيته فاتح شاشه اف اكس سي ام
وبيبحلق في الاسعار من غير شارتات ولا حاجه ...يادوب شاشه الاسعار البيد والاسك وعماله تنور اخضر واحمر.....المصيبه كان بيكسب ازاي معرفش
بعد كده ربنا تاب عليه وبطل ....ورجعله عقله وانا اتجننت
ابتديت ادور علي النت وهناك تعرفت علي منتديات كتيره وحططت الرحال اخيرا في اف اكس ارابيا وسجلت فيه من زممممممممممان قوي وقلت ادرس الفوركس دراسه علميه متعمقه
وهنا تعرفت علي قناه اليوتيوب وسجلت فيها وشاهدت الفديوهات
وفتحت حسابات تجريبيه كتييييييره ....اكتشفت منها ان التعليم الحقيقي يجب ان يكون علي حساب حقيقي خصولا بالنسبه لي ...
ومن خلال متابعتي للمنتدي لفت نظري عنوان حلاوتها في بساطتها ....قلت بس هوه ده ...كيب ات سمبل .....وتعرفت علي الاستاذ احمد صلاح ...قلت كفايه تجريبي خش علي الحقيقي
وتوصيه من المنتدي وتوصيه من احمد صلاح ..الدنيا تمشي والارباح تتراكم ..المهم بعت القراطين اللي حيلتي ولميت الفلوس اللي في حصالات العيال وعملت جمعيه وكملت 250 دولار
.....وتصفر الحساب بعد حوالي شهر
عملت صندوق تبرعات وحطيته علي باب ورشه حلاوتها في بساطتها....وللاسف لم يتبرع لي احد ...
اخدت اجازه طويله شويه ....يئست بقي....بس اكتشفت اني ادمنت الفوركس ..وده رد علي السؤال بتاع الاستمرار في الفوركس..ايوه هستمر .....يا انا ياهو
وقد شحنت رصيدي في fxdd مره اخري ....وخسرتها ايضا
قلت لنفسي لازم تتخصص في نوع واحد من التحليل ...ووجدت ضالتي في الهارمونك ...وبقيت محلل هارمونيكي محترم
وربنا يسهل
وللاجابه عن بقيه الاسئله ...ايون ...سمعت وشفت اف اكس كومشن ...موقع جميل اهم حاجه عرفتها ان الموقع بيكسب كتير هههههههههه وانا اللي كنت فاكر ان مواقع الفوركس لوجه الله تعالي
انا بهزر طبعا...وبفكر افتح حسابي الجديد في اي شركه في الموقع ...علي الاقل اكسب جزء من الكمشن حتي لو خسرت الحساب..وابقي كده كسبت مره غي حياتي
اما الفيس بوك انا مبحبوش ...لانه بيحرض علي الربيع العربي..وانا فلول
واخيرا ....انا سجلت في كل حاجه ..وحمات كل حاجه ..وعملت عجين الفلاحه ولو مافزتش النهارده هلبس حزام ناسف وهفجر الموقع كله
وقد اعذر من انذر...