انا اعتبر نفسي مبتدئ مثلك مع اني لي فتره طويله في الفوركس معظمها ديمو وحسابين حقيقيين صغيرين اتصفروا ولكن انصحك بما اقتنعت به اخيرا
افتح حساب ديمو تتعلم فيه الميتاتريدر وازاي تفتح صفقه وازاي تقفلها والاسبرد والمارجن والكلام ده
ثم تخصص في نوع تحليل واحد واتقنه وانصحك بالهارمونك ..وعندنا ورشه هنا اسمها هارمونك ارت
انا شخصيا حملت علي الكمبيوتر بتاعي مئات الكتب والفديوهات في كل حاجه بمعني ان واحد يقول لي مؤشر الماكد كويس اروح علي يوتيوب وجوجل واحمل كل اللي الاقيه عنه واجربه ديمو شويه تفشل صفقه انقل علي غيره
وهكذا بقيت عارف تقريبا حاجه عن كل حاجه ومش متقن اي حاجه
الي ان قررت اتقان حاجه واحده والتركيز عليها الي درجه الاحتراف
وكويس انك عملت الموضوع ده علشان متتشتتش زيي
الخلاصه ...ركز علي نوع تحليل واتقنه علشان تتعلم بسرعه وبعد كده اتوسع براحتك