مع احترامى لكلامك طبعا بس هو ده دايما تفكير العرب ان لازم اخد كل حاجة لكن ولا بيقدروا ان ده تعب وجهد وفلوس كتير يعنى دايما عاوزيين كل حاجة جاهزة.انا طبعا مازعلتش من كلامك بس انت كمان ماتزعلش من كلامى ورد على سؤالى هل لو انت فى وظيفة وبتاخد مرتب محترم وشغال بقالك 5 سنين مثلا ويجى واحد تانى ومن اول شهر ياخد نفس المرتب بتاعك من غير تعب ولا مجهود هل هتبقى مبسوط؟؟؟لكن فى حاجة تانية لما تساعده وتفهمه وتقف معاه يبقى انت هتبقى مبسوط وهو كمان مبسوط.سؤال كمان.ادخل لاى حد مدير منتدى او حد فاهم جدا فى الفوركس وليكن من المدييرين فى منتدى ارابيا واسأله هل كل مؤشراتك واستراتجياتك اديتها للناس؟طبعا لازم يكون فى حاجة محتفظ بيها لنفسه يعنى حاجة شخصية.والا هو لازم علشان الواحد يبقى كويس وربنا يباركله يدى كل مجهوده وسورى فى اللفظ شقاه مجانا علشان الناس تبقى مبسوطة؟؟وطبعا فى احاديث كتير وقراءن الناس بتقوله علشان يقنعوك انك تتنازل عن تعبك ومجهودك مجانا ولا مش كده يبقى ربنا مش هيباركلك وده بيحصل كتير بس الناس بتستخدم كلام ربنا غلط يعنى انت هاتلى اية او حديث بيقولك اتنازل عن تعبك وشقاك مجانا.والا بقى المفروض الناس تتنازل عن تعبها فى كل حاجة علشان ربنا يكرمهم وطبعا الواحد وهو رايح يمتحن يقول لصديقة ادينى الامتحان ومجهودك اللى تعبت فيه طول السنه علشان ربنا يباركلك.وطبعا الفلاسفة والعباقرة والمكتشفين لازم نروح نقولهم ادونا السر اللى خلاكوا كده علشان ربنا يباركلكوا.هو معنى انى عارض اساعد من يحتاج المساعدة ده مش حاجة كويسة؟لو انا حقيقى مش عاوز اساعد ما كنتش كتبت الموضوع او ارسلت لاستاذ احمد صلاح دروس من عباقرة علشان يشرحها والناس تشتفيد.اعذرنى انى طولت عليك بس بجد بعد ما قريت كلامك حسيت بالاسف . ارجو ان توضح لى ان كان فى شىء غير مفهوم وصدرى يتسع لكلامك.شكرا