بسم الله الرحمن الرحيم
انا مبتدئ في عالم الفوركس وكان ليا بعض الأسئلة وانا بقرا عن الفوركس اتمني الاقي اجابتها وتساعدوني فيها :
1/ سوق الفوركس يعمل 24 ساعة من مساء الأحد حتي مساء الجمعة طيب ازاي يبقي للعملات سعر افتتاح واغلاق ما دام السوق دا مش بيقف وشغال 24 ساعة
2/دلوقتي قوة الرافعة المالية او ما يطلق عليه المتاجرة بالهامش دلوقتي مثلا شركة الوساطة حجزت مبلغ 50دولار او 100 دولار ايا كان المبلغ كمبلغ تامين في سبيل اني احصل علي تمويل واشتري صفقة او لوت يفوق حجم حسابي بكثير السؤال هنا ازاي الشركة بتضمن اني هرجع الاموال الكبيرة اللي انا تم تمويلي بيها ولو افترضنا اني دخلت في صفقة مثلا شراء اي عملة وخسرتها ايه الفايدة اللي بتعود علي البنوك الممولة ما دام انا اشتريت بالنقود ديه صفقة وخسرت ( ياريت حد يوضحلي النقطة ديه علشان مش فاهمها خالص ) وايه الضمان للبنك اني هرجع النقود ديه تاني طيب ما هو ممكن اخدها واحولها علي حساب تاني
3/لو افترضنا ان سعر الدولار ارتفع امام اليورو ( ليس نتيجة انخفاض اليورو ولكن ارتفع نتيجة زيادة الطلب عليه توقعا بانه قيمته هتزيد في المستقبل ) هل سعر صرف الدولار هيختلف بالنسبة لباقي العملات وهل هيأثر دا علي سعر صرفه في البنوك ومكاتب الصرافة
4/ايه علاقة الفوركس بالبورصة ؟ ليه عند مثلا افتتاح بورصة امريكا بيكون التداول علي الدولار في الفوركس اكبر بكثير مع ان ديه سوق اسهم ودا سوق عملات ايه العلاقة اللي ما بينهم
ياريت توضحوا ليا الانقاط ديه وانا بشكركم جدا علي مساعدتي