استاذي العزيز كاوبوي
اولا انا عمري ماهزعل ابدا...وازعل ليه من انسان ضيع وقت وجهد في شرح وتعليم ناس مايعرفهمش حاجه تفيدهم بدون مقابل ولا اجبار الا لوجه الله تعالي
ثانيا انا دخلت صفقه وخسرت مش مشكله اطلافا هي مساله حظ وتوفيق بمعني من عشرات الفرص التي طرحت وكلها ناجحه انا حظي جاء في الصفقتين اللي ضربوا استوب
يعني لو الهارمونك ناجح بنسبه 99 في الميه انا بدخل في ال 1 في الميه .....
بالنسبه للاشيموكو انا درسته كويس بس مقتنع بالهارمونك اكتر فرص واضحه وستوب صغير واهداف اضعاف الستوب ولما بحط الاشيموكو فوق لشارت مع مؤشرات الهارمونك هدفي منه فلتره اكتر ويعطي اطمئنان اكتر لنجاح الصفقه
بمعني لو النقطه c متوافقه مع اسلوب الدخول مع الاشيموكو يبقي خير وبركه ....انا عارف ان الاحتراف بيقول ركز مع نظام او استراتيجيه واحده وافهمها وجربها وامشي عليها بحذافيرها ..ولكن عيوب المبتدئين انا مثلا عندي علي الميتاتريدر عشرات التمبليت ولما بحلل الشارت تحليلي مثلا يرجح الشراء ..احط الاشيموكو يقول بيع ..احط بلاك دوج يقول شراء بالهارمونك بيع ..وهكذا وحضرتك عارف اللخبطه التي يمر بها المبتدئين واكيد انت شخصيا مريت بيها
الي ان يتمكن من نوع معين من التحليل ويلتزم بيه او يهجر الفوركس ...انا حاليا قررت اتخصص في الهارمونك كاول خطوه لطريق الاحتراف وقريت عنه كتير قبل كده وشفت فيديوهات ولكن لم اتفاعل مباشره مع احد فاهم الهارمونك
مثلك بمعني كل الموضوعات التي صادفتها عن الهارمونك متوقفه الا موضوعك لهذا ذكرت اكثر من مره ان سعادتي كبيره جدا لعثوري علي هذا الموضوع لايف وده مش نفاق ولا حاجه ..الفكره اني لقيت في الوقت اللي نويت فيه
ادرس الهارمونك
انا صحيح بدخل بحساب حقيقي واكيد اتمني ان يتضاعف بس هو ميني ب 100 دولار وهدفي منه الاساسي ان اتعلم به ..هتقول لي اتعلم ديمو اقول لك ..انا عايز اتعلم ضبط السلوكيات والنفسيه والكلام الكبير ده لايمكن تعلمه
الا علي الحقيقي
يارب اكون قدرت اعبر عن ما اريد قوله ...
الخلاصه اني مش زعلان ولا مستعجل ولا هفرض عليك تنزل توصيات ودخولي اي صفقه بيكون علي مسئوليتي الخاصه
ومش هبطل اسال الي ان اتعلم
وبارك الله فيك وشكرا جزيلا