السلام عليكم تحليل كلاسيكي - تحليل فني - تحليل رقمي- تحليل واحد اسمه جان - لأ و في تحليل فلكي - تحليل قاع محيطي - تحليل الخالة نوسة - و تحليل من غير تحليل لان السوق عشوائي ..... الخ دماغي و جعتني و عنيا و جعتني و انا ايام الكلية مكنتش بذاكر كدا و اقرأ كل دا و يا ريته منهج و اضح كدا وصريح الواحد يتعلمه و يستزيد فيه و يبدأ التطبيق لكن كل ما تقرأ موضوع تتعقد ... و مش العرب بس دا كمان الاجانب وصلوا للجنون و اكيد طبعا ما الغاية هي المال - القوة كلها - ومن هذا المنطلق و من موقعي هذا مش عايز اتعلم الفوركس انا عايز حد من الناس الي درسته و بتكسب منه و اكرر بتكسب منه لان في ناس درسته و اكيد اتجننت ... انا عايز ناس بتعرف تطبق تقولنا على الارقام المقاومات و الترندات و الدعوم و كام نقطة و ابتدي منين و اقفل فين كأنه بيضارب لنفسه يعني بالظبط كدا ياخدلنا اسكرين شوت من الشارت بتاعه و يحطه و انا اظبط زيه و بلا وجع دماغ بقى . لا و في مواقع توصيه ممكن توصل ل 200 او اكتر دولار ... دا على اساس هكسب كام و يا ترى لو توصياتهم طلعت غلط هيخصموا من الي دفعته ؟ و مش عايز حد يقولي لازم تتعلم و بتاع لاني ببساطة هقوله فين العلم و انا اتعلمه ، انا لقيت بحر من المعلومات و الي فيها كتير متضارب و بيعمل عصف ذهني و تشتيت و حيرة و دا مش علم دا تضيع وقت . ولذلك هل هناك من الصيادين من يعطيني سمكة ؟ وشكرا عفوا اصطادها بالطاء .... شوفتوا اخرة دروس الفوركس اخى الكريم ساحاول ان افيدك لاانى بصدق اشعر بما تشعر به فانا نفس المعاناه اعرفها جيدا لاانى مررت بها الاف المرات صدقنى هذا السوق ضحك عليك من قال للك ان الربح فيه شئ سهل ولكنه ايضا ليس بالمستحيل صدقنى القصه فى اداره راس المال اولا وثانيا ان تعرف نفسيتك هل انت من النوع الصبر الذى يستطيع تحمل صفقات خاسره ويدخل فى سوينجات للتعويض اذا كنت منهم فلابد دوما ان يكون هدفك ضعف الا ستوب ولا شئ غير ذللك وصدقنى لو كنت ماشى على استراتيجيه البطيخ لو مش هتكسب على الاقل مش هتخسر راس ماللك بس باذن الله يكون المكسب حليفك اما لو كانت نفسيتك غير صبوره ولا تستطيع تحمل ضغط هذا السوق واكرر ان لهذا السوق ضغط اكبر من انتظار نتيجه الثانويه العامه اذن عليك بالاسكالبينج لوتات معقوله نسبيا واصطياد الفرص وياجت ياراحت اتمنى اكون افدتك