 |
 |
|
 |
|
الف سلامة عليك يا باشا, وان شاء الله تكون بخير يارب
علي فكرة انا فكرت شوية في طريقتك, انا كنت هنفذها ومعرفش مقصود بيها ايه اصلا, بس لما بدأت افهم شوية في الفوركس, وفكرت في الطريقة بتاعتك لاقيتها ممتازة بصراحة
وكمان جه ببالي حاجة كدة تقريبا شبه بتاعتك او زيها بالظبط, اني مثلا لو ادامي فرصة شراء كويسة, ادخل صفقتين مثلا, واحدة هدف 25 والتاني مثلا هدف 50 بلوت واحد او اتنين, وبدون استوب لوز
وفي نفس الوقت انزل عكس الاتجاه بصفقة تبريد وتكون قيمتها مثلا اكبر من قيمة الصفقتين التانيين من حيث اللوت, وتكون علي بعد عشرين نقطة مثلا من صفقة دخولي في الاتجاه المضاد طبعا, عشان متتفعلش الا لما السعر ينزل فعلا, طبعا لو السعر طلع هستفاد بالصفقتين الاوليين واجني ارباح, لكن لو السعر ارتد, لحد 19 نقطة تحت هيبقي عندي خسارة لسة, اولو ما ينزل نقطة كمان, هتتفعل صفقة التبريد, وهيبدء في تعويض الخسارة, لان قيمة الصفقة دي اعلي من الصفقتين الاوليين
طبعا لو السعر نزل وطلع تاني, هيحصل العكس, وصفقة التبريد هي اللي هتبقي خسرانة والصفقتين التانيين هم اللي هيربحوا
وانا قاصد ان يكون الفرق بينهم عشرين نقطة, عشان متتفعلش الا لما السعر يكون فعلا تأكدنا من نزوله, ولو خليت صفقة الشراء كل واحدة مثلا بلوت 0.1 فاخلي مثلا صفقة التبريد بلوت 0.3 عشان يعوض الخسارة ويعوض فرق العشرين نقطة دول
بس انا لسة بدرس الموضوع ده واحط كل الاحتمالات |
|
 |
|
 |
اهلا بك ياباشا
والله يسلمك ياغالى
طبعا لازم تدرس وتتعلم وتشغل دماغك
بس الصفقة العكسية اللى انتا بتقول عليها تبريد دى اسمها هيدج مش تبريد
لان الهيدج انك تفتح صفقة عكس الصفقى الاولى يعنى لو داخل شرااء اذا عكس السعر عليك ممكن تدخل بيع دة كدة اسمه هيدج
وممكن كمان تكون داخل شراء والسعر مقق معاك مثلا 100 نقطة وحسيت ان السعر ممكن يرتد من نقطة ويصحح مثلا 25 نقطة ممكن تدخل بيع عشان تحافظ على الامكسب الاول دة كمان اسمة هيدج
اما التبريد هو لما تكون داخل شراء والسعر عكس عليك مثلا 100 نقطة بتقوم تدخل شراء تانة عشان تبرد الصفقة الاولى
بالتوفيق ياغالى
ولازم تفكر وتجرب
تقبل تحياتى