انا بقى الطرف اللى حصل معايا انى فتحت حساب حقيقى بدون خبره طبعا مكنتش لسه اتعلمت كويس وفاكر انى هفتح الصفقه وانام واصحى الاقى الملايين فحسابى كنت فاتح حساب ب 50 دولار لانو لسه اول حساب ليا طبعا وبجرب الموضوع وخسرتو كلو ومبقش فيه غير 90 سنت قولت نهار مش فايت فقولت لا انا لازم اعمل اى حاجه حتى اخليهم اتنين دولار واكبر اللوت حتى لو قدرت ارجعو فشهر من التسعين دولار يبقى فل
المهم كنت مشترك فموقع بتاع توصيات مجانيه بعتلى توصية دخلت فيها بسنت هوب وصلت لدولارين بعد ساعه شوية وكان موضوع المصرى شغال حط توصية دخلت فيها وخليت اللوت بسنتين وصلت لاربعه دولار ونص اتبعتتلى توصية من الشركه تانى بعد كام ساعه خليت اللوت بعشره سنت ودخلت قفلت الصفقه على 15 ... الخ من التوصيات دى وجيت بعد حوالى 12 ساعه من المسمره قدام الشاشه والمتابهخ لقيت عندى 29 دولار قولت فل انا هوصل للخمسين بتاعتى وهقفل تابعت توصية تانى ودخلت تقريبا بلوت عشره سنت لقيت السعر ماشى مع التوصية قولت هفتح صفقه تانيه فتحت والارباح لقيتها وصلت للخمسين قولن لا مدام كدا انا هكمل عشان ابقى عامل ربح مش معقوله هقفل على نفس راس مالى وانا فاتحو اول امبارح اول ما ييجو 75 دولار هقفل بص انا هدخل كمان بصفقه تالته كل دا فتوصية واحده يعنى داخل ب30سنت اللوت المهم لقيت الارباح وصلت 72 دولار والصفقات مفتوحه قولت يافرج الله حسيت بقى انى طاير وملك وعملت 70ضعف فيوم والدنيا السطه .
واذ بى فجأه السعر يعكس عليا فخمس ثوانى 20نقطه مكنتش افهم انا ساعتها ان الصفقات هتقفل لوحدها لو وصلت لحد معين من الخسائر لقيت اول رساله بغلق صفقه هوب التانيه بغلق الصفقه التانيه وقفت فمكانى مش عارف ايه اللىب يحصل دا واقف وباصص للشاشه ومتنح ومش عارف ايه دا ولقيت ان الارباح بعد ما كانت 72 وصلت ل 6 دولار وبتنزل وضغطى على والدم كلو بيتدفق لدماغى بسرعه وانا مش حاسس بالدنيا دقيقتين ولقيت الحساب اتمرجن
كنت فى حاله لا يرسى لها وكنت حاسس انى ابله واهبل بطريقه فظيعه اليوم دا 
يعنى اكتر يوم واسرع يوم فحياتى اتشقلبت فيه مشاعرى من واحد حاسس نفسو ملك لفثوانى بقيت مش فاهم حاجه