الأسهم الأمريكية تنخفض عند الفتح والأنظار على برنانكي
لو السوق فضل معتقد ان برنانكى مش هيقول بكره ان فيه تيسير كمى يعنى طباعة دولارات فى الفتره اللى جايه اتوقع المزيد من الهبوط يدعمه التحليل فى تعليقى السابق وده غالبا اللى هيحصل بكره لكن كل الاحتمالات مطروحه لو برنانكى بكره لمح بس ان فيه احتماليطبع دولارات هيحصل العكس تماما واحتمال نشوف كسر لمقاومات قويه زى 1.2590 و 1.2620 و 1.2680 ... بس اخر لقاء لبرنانكى كان بيقول ليه نتدخل فى الاقتصاد طالما انه بيقدم اشارات ايجابيه ونمو وان كان بطىء فلا يجب التدخل الا فى لاشارات السلبيه وغالبا هيقول كده برضه بكره بس ربنا يستر خصوصا ان دراجى رفض يحضر المؤتمر ده وقال انه مشغول ... ناس قالت مشغول بخطة انقاذ اليورو اللى هيبدأ يعلن عنها فى 6 سبتمبر بس انا راى ان السبب غير كده ... لان خطة الانقاذ مش هتتعمل فى اسبوعين علشان يسيب مؤتمر مهم زى ده ومايحضرش ... فيه حاجه تحت الترابيزه ايه هى الله اعلم