بصراحه يا جماعه انا لازلت مع سيناريو الهبوط بالرغم من انى مقتنع ان سيناريو الصعود وارد جدا بس فى حاجه حصلت النهارده اكدتلى ظنى بان احتمالية الهبوط اعلى .... التحليل الاساسى النهارده والاخبار كانت عاديه يعنى ولا الدولار كانت اخباره حلوه بزياده ولا اليورو وحشه جدا هى كانت اخبار عاديه ممكن تمشيه فى مستويات جانبيه مش ان الدولار يبقى بالقوه دى ... خصوصا فى اخر الجلسه الاوربيه لما صعد الزوج حوالى 50 نقطه فى دقيقتين ورجعهم بعدها بشويه .... الحاجه التانيه ان معروف ان سعر الدولار بيتاثر باسعار السلع لانها بتتقيم بيه زى البترول والذهب النهارده كان فيه طلب كبير على البترول بسبب عواصف الكاريبى والمكسيك ومع ذلك الدولار لم يتاثر وصعد امام معظم العملات ان لم يكن كلها انا مش متأكد ولم يهبط بل على العكس صعد وحتى اليورو فى اخر الجلسه لما صعد بفعل فاعل (يمكن البنك المركزى الاوروبى ولا حاجه) نزلهم تانى زى الباشا مهما تدخل طرف اخره هياخر النزول لكن مش هيقدر يمنعه لوحده ... وجهة نظرى هبوط الى المحطات الاتيه 1.2485 - 1.2385 - 1.2295 - 1.2240 ممكن اكون غلطان وسيناريو الصعود هو اللى يحصل بس فى النهايه دى احتمالات ودايما احتمال منهم هو اللى بيحصل لا انصح احد ان يسمع كلامى ويرجع يقولى خسرتنى دى وجهة نظرى وفى الاخر ده قرارك وانت حر فيه وهتتحمل لوحدك النتيجة السلبيه او الايجابيه. قولت اشاركم بوجهة نظرى والله اعلم