بص يا باشا واضح من كلامك انك عمال تاخد فى دروس و مش عارف لما تفتح الشارت تبدا بايه ولا ايه انا اقولك عن خبره ليست طويله بس هتفيدك نبدا معاك من اول 1 2 3 نبدا ب 1) اول حاجه هتعملها لما تفتح الشارت هو انك تشوف الدعوم و المقومات و عشان تمشى معايا وحده بوحده و بالصور ده رابط هيفيدك للمعلم كيمو ملخص الدروس كلها بطريقه حلوه و بالصور http://www.fx-arabia.com/vb/showthread.php?t=14996 نكمل موضوعنا اهم ما فى الفوركس و هيفيدك فعلا بغض النظر عن الحجات الكتير الى ملهاش اخر هما اربع حجات ابتدينا بالدعوم و المقومات و حاول تفهمها من الرابط الى بعتهولك بعد كدا الترندات و دى من الاخر كل حاجه فى الفوركس تالت حاجه النماذج السعريه و لو فهمتها يبقى انت كدا حطيت الفوركس فى جيبك و اخر حاجه حاول تحفظها صم و هى الشموع اليبانيه لان الشموع اليبانيه هى لغه الشارت يعنى الشارت بيكلم المتاجر و يوجهو عن طريقها ههههه بكدا انا قلتلك على اهم النقاط و بالنسبه للمؤشرات احلى ما فى كل المؤشرات هم الماكد و البولينجر باند و الاستوكستك و الموفينج افريج و الزجزاج (zigzag ) و الزجزاج بيرسملك اهم الدعوم و المقومات و عشان تفهم المؤشرات و كل الفوركس طبعا مفيش غير الكتاب بتاع استاذنا الكبير دكتور اسامه http://www.fx-arabia.com/vb/showthread.php?t=3800 ده هيوضحلك نقاط مهمه جدا اما بقى بالنسبه للاسكالبينج فنصيحه منى الاسكالبينج محتاج محترف فوركس يعنى مش اقل من سنه خبره و مش سهل و محتاج شركات وساطه معينه عشان الاسبريد لكن كمبتدا عليك بالصفقات السوينجيه او الانتر ديلى و الصفقات السوينجيه هى طويله الامد و يتحقق الهدف فيها بعد 3 شهور او شهر كدا انا يدوب وضحتلك النقاط المهمه و عشان تحترف اى مجال لازم تبذل مجهود و تدور و تقلب النت كله و متعتدمش على مصدر واحد و صدقنى انا اكتسبت خبره مش من اى فيديوهات و لا اى حاجه اكتسبت خبره لما دخلت و خسرت فلوس كتير كل لما كنت اخسر كنت بتعلم و ازداد خبره ولا احسن من 100 فيديو كل ما عليك الان هو قراءه الكتاب و مشاهده موضوع الاستاذ كيمو و زى مقلتلك الفوركس ببساطه
1) دعوم و مقومات
2) رسم الترندات
3)محاوله الحصول على نماذج سعريه من الشارت
4)رسم الفيبوناشى
5) المؤشرات المهمه التى ذكرتها و اخر حاجه و دى سهله و تقدر تستفسرها من الاساتذه فى المنتدى و الورش و هى الاخبار التى تؤثر على السعر و مطلغبتش نفسك بيها دلوقتى
ارجو ان اكون افدتك و مطولتش عليك و مع البحث و التطبيق صدقنى هتبقى محترف فى شهر بكتير ان شاء الله اهم حاجه تفتح الشارت و تمشى بالترتيب من 1 ل5 و كله هيبقى تمام و وردى
تحياتى ,,,