يؤسفنى بس انى اقول لاعضاء فريقى العزيز
ان الإدارة اتخذت قرار انا شايفه غير سليم
وهو ان كل فريق هيكمل المرحلة التانية من المسابقة بنفس الحساب
وطبعا فيه حسابات من الفرق الصاعدة تقريبا اتدمرت وللاسف احنا منهم
وفى المقابل فيه فرق رصيدها كبير بشكل يصعب معاه المنافسة
يعنى على سبيل المثال فيه فريق عنده 49 الف
واستمرار المرحلة الثانية بنفس الحساب يعنى وبمنتهى الامانة ان فرصتنا اصبحت معدومة
وانا شايف ان ده قرار غريب جدا
اولا .. لانه لم يتم اخبارنا منذ بداية المسابقة ان الاستمرار هيكون بنفس الحساب.
ثانيا .. كل فريق كان تركيزه فى الفريق المنافس فقط ووفق اوضاعه على حسب موقفه.
ثالثا .. ده فيه ظلم لان فى المرحلة الاولى فيه فرق حظها كان امام فرق ضعيفة واخرى كانت امام فرق قوية
واتمنى ان الإدارة تراجع نفسها ويتم إستكمال المرحلة الثانية بحسابات جديدة حتى يكون هناك تكافؤ فرص
وشكرا