السلام عليكم ورحمة الله وبركاته
أتمني من الأعضاء سعة صدرهم أولا وأخيرا, وياريت حد يتابع معايا باستمرار عشان يرد عليا
وقبل كل شيء احب اقولكم كل سنة وانتم طيبين ورمضان كريم عليكم وعلي الأمة الاسلامية كلها يارب
انا هنا عضو جديد معاكم, وطبعا حاسس اني مش عارف اي حاجة وتايه في حاجات كتيرة جدا, وشايف التحليلات والتوصيات وحاسس اني متخلف عن العالم ب 100 سنة ضوئية
فإن شاء الله باديء في تعلم الفوركس, وهكتب كل الاسئلة بتاعتي هنا, من الالف للياء ان شاء الله, او حتي أي حد عايز يكتب اسئلته هنا, وهتكون دي رحلتي ان شاء الله مع عالم الفوركس