السلام عليكم ورحمة الله وبركاته
رمضان كريم وكل سنة وانتم طيببين جميعا ويارب دايما بخير
انا اتعذر لقلة وقت فراغي كتير ودا في حد ذاته بيكون كويس عشان نشوف ردود الناس ورأي كل واحد
طيب عشان نريح الجميع ونثبت ان كلامنا مش كلام فاضي وفي الهوه
جاري تحضير شرح الاستراتيجية اللي مبني عليها الاكسبرت
هي استراتيجية من تجميع لبعض المؤشرات وبعض اعمال قمت بالتدخل فيها واضافة وعمل وتعديل بعضها
الاستراتيجية من مجهودي الخاص ولا اعتقد انه اي حد عنده هذه الاستراتيجية نعم فهي مجهود وعناء وسهر ايام وشهور وسنين من العمل في هذا السوق العملاق
ونظرا لكل الاقاويل والكلام انه مافيش اكسبرت بيظل يعمل مدي الحياة بدون اي مشاكل دا حقيقي ولا جدال فيه وعن تجربة
لما تحولت الاستراتيجية من يدوي الي اوتوماتيك بالفعل ظلت 4 سنين علي الباك تيست بدون اي مشاكل ولاكن في الاخير حدث الكثير والكثير من الخسائر
حد يقولي طب ما ممكن نشتغل عليه لمده سنتين ونغيرة او نوقفة اقولك طب وانت هاتعرف منين انك في اول السنة ولا في اخرها ولا تركيب الاكسبرت هايكون ازاي
هاقولك نصيحة بعد 5 سنوات ونصف من التداول والعناء
لو داخل السوق عشان تجني ارباح وبس بدون خسائر فا انسي طبعا
ولو داخل السوق عشان تمشي وراء التوصيات وتعيش اهبل في السوق ومش عارف اي شئ في اي شئ برده انسي كمان
ولو داخل السوق ومن اول سنة ليك فيه طلعت وقولت انا وانا برده انسي
انت داخل عشان بتحب السوق والتجارة وطالع عنك امام الجهاز بال 24 ساعة عشان تتعلم شئ ويكون ده مستقبلك ان شاء الله
يعني هنا تعرف ايه تحليل فني واساسي وتعرف يعني ايه سوق وتعتمد انت علي نفسك ولو بمؤشر او بعض الاخبار يا مرحب بيك
دا اللي فعلا عايز يعيش ويتاجر ويجيب مكاسب صح من الفوركس
مش واحد داخل من اول يوم وعامل ايداع ب100 دولار وعايزها تبقي 5000 من اول اسبوع ايه الطمع ده والله انا ببعد عن الناس دي كمان هي مش بتقبل النصيحة
من الاخر عشان تحط اكسبرت ويشتغل معاك مدي الحياة بدون مشاكل وبدون اي خسائر لازم تكون عامل ايداع اقل شئ من 100 الف دولار وانت طالع واتحدي اي حد في هذا الكلام
اذا نحن طريقنا الي المليون عشان مافيش واحد فينا معاه المليون طيب احنا عايزين المليون
وعلي تحدي لاي عضو في المنتدي كان اني ابداء الحساب من 25 دولار فقط ومن خلال الاكسبرت اللي هانشرحه مايحولش المبلغ الي الكثير والكثير من المال حيث اني لا اجد رقم ان اذكرة
واعزروني علي الاطالة في الحديث
الان قررت الاتي
اني اقوم بشرح الاكسبرت وطريقة العمل وهانشتغل بيه يدوي فقط وليس اوتوماتيك عشان نضمن الحساب انه مايكنش تحت سيطرة اي حد غير عقلك
وعن موضوع الشراء لو اي حد حابب يشتري هايكون كما وعدت سعره في متناول الجميع بس بعد الشرح والتجربة علي حساب حقيقي والمدة اللي انتم تحددوها يارب تكون من شهر الي سنة ما عنديش اي مانع
انا ذكرت انه المؤشر من بعد عنا ومجهود كبير جدا وبتحدي بيه اي حد علي اي عملة
نصيحة لكل فرد نصف عقلك الايمن هو العاطفي فلا تمشي وراءة ونصف عقلك الايسر فهو العاقل ودائما يبوح لك بالاتجاه
رمضان كريم