التجميع والتوزيع مصطلحان يطول الحوار بهما وساذكر لك ما ييسره لى ربى
تخيل انك تاجر جملة كبير جدا فى سلعة معينه فى السوق مثلا تاجر قمح كبير
لو انته عايز ترفع سعر القمح فى السوق هتعمل ايه؟؟
هتشترى كل كميات القمح اللى فى السوق وتحطها فى المخازن بتاعتك وتشرى كل الكميات الممكنه من التجار الصغيرين بحيث انك تفضى السوق خالص من القمح ويكون اكبر كمية منه عندك فى المخازن ده اسمه تجميع بانك جمعت السلعة الموجوده فى السوق عندك... طيب وبعدين هارفع السعر إزاى ؟؟
بعد فتره قليله هتيجى مخابز عايزه كميات قمح وطالبينه ولو طلبات قليله هيلفوا السوق كله مش لقيين قمح وهنا يقوم سعر القمح مرتفع بشكل رهيب لان السوق معدش فيه قمح
بمعنى اقتصادى: ان العرض والطلب هما محركان اى سوق اى ان كان نوعه وهنا ياتى التجميع فى سوق هابط قبل حدوث الصعود وتفسيره على انه نقص الكمية المعروضة تدريجيا حتى يصل إلى مرحلة ندرة سلعة ما بالسوق فيرتفع الطلب عليها بشكل كبير فيؤدى ارتفاع الطلب إلى ارتفاع سعرها والعكس صحيح فى حالة التوزيع
ودى فكره مبسطه عن التجميع والتوزيع ولو عايز تعرف عنهم اكتر ادرس قوانين العرض والطلب ونظريات الأقتصاد.