عفاك الله يا باشا...اشكرك على الدعوه الجميلة
الحمدلله ان هناك من استفاد من الموضوع 
ولا استاذ ولا حاجه احنا زمايل فى المنتدى مما يزيد عن العام قولى طارق على طول
انا مكنتش عاوز اشترى موبايل جديد سمارت فون اصلا غير لما اعرف ايه احسن موبايل يحل لى المشكله دى لكن لاقيت ان كل الموبايلات هتوصل لنفس المشكله"انك تتاجر عميانى"
وفعلا ميزة الفكرة دى انك امام الكمبيوتر بالفعل
استخدامه رخم فعلا والتطبيق نفسه application بطىء ايضا والحمدلله لقينا فكرة مؤقته صالحة لحينتطوير التطبيق اكتر من كده
------------
الموضوع كتبته قبل ما انام على عجالة يمكن ناس مفهمتهوش...برنامج team viewer فى الاصل يستخدم للتحكم فى الكمبيوترات الاخرى عن بعد وخاصة فى الصيانة
يعنى صديق او زميل لك عنده مشكله فى الكمبيوتر وعاوز مساعدتك تستخدم البرنامج ده عشان تقدر تدخل على الكمبيوتر الخاص به وتتعامل معه
واحنا هنا هنستخدمها استخدام مختلف اننا ندخل على الكمبيوتر بتاعنا عشان نشوف الشارت اللى احنا شغالين عليه ومجهزين ترنداتنا ومقاوماتنا ودعومنا"لأن رسم تلك المؤشرات من بعد عن طريق الكمبيوتر لازال صعبا بعض الشىء من المحمول"ونقدر نشترى ونبيع دون الحاجة لتطبيق الشركة .
استخدام البرنامج عاوز شوية وقت للتأقلم وبعد كده هيكون الامر سهل (لان الهاتف غالبا ما يعتمد على اللمس ونظام اندرويد والكمبيوتر عاده يعتمد على حركة تشبه الماوس ونظام ويندوز)
طبعا العيب الواضح فى هذه الفكرة ان الكمبيوتر لو اتقفل او خرج كم الانترت لاى سبب مش هتعرف تفتحه من بعد
اللى جرب وامامه مشكلة يسأل على الرحب والسعة