شوف يا زعيم مفيش حد يحب يخرب بلده بإيده علشان فيها ولها كل حياته وعائلته وأقاربه وذكرياته ... مثل كل مواطن فى كل دول العالم .
عندنا فى مصر كلنا بنحب مصر لكن كل واحد شايف انه من مصلحة البلد أنه يخدمها بطريقة مختلفة .واحد شايف انه يخدمها بأنه يدلى بصوته بحرية وواحد شايف ان أعظم خدمة للبلد هى التزوير وواحد شايف انه بيخدم البلد وبيضحى لما يزور ويشترى أصوات الناس بزيت وسكر . فى الدول المتقدمة أو الشعوب المتحضرة طريقة خدمة البلد محددة ومعروفة ومتفق عليها لكن عندنا فى مصر نسبة أمية فوق ال 40% ونسبة جهل فى مصاف المتعلمين فوق ال 40% ومفيش ديموقراطية ولا حرية تفكير يعنى من الأخر دولة عالم ثالث .فية ناس بتضحى بحياتها علشان تغير دة والبلد تتقدم وفيه ناس بتقتلهم علشان البلد تتقدم وفيه ناس بتستغل الأتنين علشان البلد تتقدم وكل دة بسبب الأمية والجهل والفقر وربنا يخلصنا من كل الهموم يارب .