رسالة من شهيد
يا آما
ليه بتبكى؟؟
أنا لسه حى
حتى اسمعى دى ضحكتى فى صوت الشباب
ولو وحشتك أرفعى راسك وبصى للسحاب
هتلايقنى ماسك القمر
وعلى الأرض يا آما
ها تلاقينى بزرع الشجر
وها تلاقينى فى الغناوى
فى الحكاوى
وحتى هاتلاقينى فى كلام الناس
على القهاوى
ها تلايقنى من النهاردة جنبك وبفتحلك كل باب
ومن غير ما تدورى
ها تلايقنى أنا الجواب
بس أوعى تبكى
حتى أسمعى.... دى ضحكتى فى صوت الشباب
===========================
( بعض الحروف أهداء إلى شهداء ثورة الشباب
محمد الغريب)