السلام عليكم ورحمه الله وبركاته
انا مبهور اووي بعدد زيارات الموضوع وبصراحة انا سعيد وحزين
أولا: سعيد جدا و مبسوط اووي والله بعودة الدكتور رأفت ماشاء الله في الصفقات والنتائج الجميلة واتمني ان تستمروا
ثانيا : حزين جداااااااااا لاني كان نفسي استمر معاك في الصفقات والايام الجاية في الفوركس
انا كنت داخل معاكم صفقة اليورو دولار في بداية الشهر وكانت اول صفة لي معكم ولاني لا احب التهويل ولاسف صمد حسابي كل تلك الفترة ولم يمرجن واشاهد ذلك النداء الاحمر اللعين للحساب الا يوم 15-5 اول امس
انا مش قادر والله لحد الان انسي منظر الحساب وانا بخسر راس المال والارباح .. لاسف كنت مراعي راس المال وانعكس عليا حوالي 400 نقطة مع اربع تعزيزات كاملة وديه حاجة نوعا ما كويسة .. وراس المال كان الف دولار ... واعمل عليه يوميا من اول يناير 2012 ببطء وتأني .. ولاسف حدث ماحدث بعد 4 اشهور عمل .. انا مش زعلان على الفلوس مع ان 6 الف جنية دول مرتبي في كام شهر .. لكن الفلوس بتروح وتيجي .. انا اللى مزعلني هو عملي 4 شهور عليه وتعب الظهر وضعف العينين وبدون ماسحب حتي سنت والله من الارباح .. والله كنت لسه هسحب علشان افتح حساب في اف اكس دي دي برعاية المنتدي وحبيبي د/ أسامة وكنت انوي التبرع بجزء من الاموال لله .. يلا خير معلش ولاسف انا ابتديت اصدق ان الفوركس محرقة اموال ومربح للمستثمرين الكبار فقط والحيتان !! .. انا مش قادر استوعب نزول الرهيييييييب لليورو من 3200 حتي 2666 بدون تصحيح يذكر او حتي اغلاق اول جاب ليه افتتاح من اسبوعين ... مع ان يقـال ان زوج اليورو دولار هادي .. انا والله مازعلان منك يادكتور رافت انا بالعكس بحترمك وبحب اتابعك انا بقالي فترة بتابعك في صمت ولاسف اول دخول ليا كان في تلك الكارثة .. ومتابع بشغف الاخوة الاعزاء المحترمين باري وسيادة اللواء وجوووو باشا و بحريني وزيكو
انا اسف لو كنت طولت عليكم لكن كان نفسي افضفض معاكم لان ربنا يعلم انا بحب الورشة قد ايه والوحيدة حقيقي اللى بتابعها وحفظها عندي في المفضلة .. وممكن يكون ده اخر رد ليا في المنتدي لانى اتصدمت بجد من الفوركس وساستخذ قرار بتركه بلا عودة بعد ماكنت اتمني ان استمر فيه بتحقيق وليكون 10 % ربح من راس المال شهري .. وخسرت مبالغ كبيرة فيه .. قبل كده حساب اخر السنة الماضية بسب زوج الباوند مرررررجن بجدارة ... اتمني لك النجاح يادكتور رأقت وكل الاخوة الاعزاء وربنا يوفقكم واشوفكم وصلتوا للمليون .. ويارب يشفي اخوك يادكتور ان شاء الله ..
ويارب ميكونش ردي ده يضايقك يادكتور ... ربنا يعلم اني بحبك في الله .. والسلام عليكم