للاسف انا بعيد عن الشارت حاليا لكن هناك نوعين من المضاربين
الاول: ينتظر للشراء من القيعان(او البيع من القمم)..بمعنى ابسط بيطمع انه ياخد الترند من اوله..بيلعب على الارتدادات
طبعا ميزة هذا الاسلوب صغر الستوب وكبر الهدف
عيبه انك تدخل عكس التيار "عكس الترند على المدى القصير" وتكون احتمالية المكسب اقل
الثانى: يشترى فقط مع كسر المستويات القوية فى اتجاه الصفقة
الميزة فى قوة الفرصه غالبا ما تحقق الهدف
عيبه ستوب اكبر وهدف اقل
انا شخصيا افضل ان اكون من النوع الاول لانى اهتم بالستوب الصغير وعلى ذلك فانا شخصيا ممكن فى صفقة الذهب اعمل زى حضرتك ما بتقول واشترى من 1615 واحط ستوب 50 نقطة"لو بضارب فوركس" او ستوب كسر مستويات 1600 "لو بضارب بالسلعة الحقيقية يعنى اشتريت اونصة من محال الذهب"..هناك خطورة فى الشراء من 1615 ولا شك لان هناك نموذج رأس وكتفين على فريم الاربع ساعات والسعر قريم من كسر خط العنق.
لكن لو عاوز صفقة مضمونة اكتر يبقه تنتظر اغلاق شمعة يوم فوق 1670 لتشترى باطمئنان اكثر
اسف للاطالة
وسعيد لمشاركتك استاذ هيثم