عايز اعرف اللي حصل ده نصب ولا ايه ؟
روحت انهارده افتح حساب في بنك بيريوس .
قولت للموظف عايز افتح حساب توفير .
قالي ايه الغرض من فتح الحساب
. قولتله هحول منه واستقبل عليه فلوس .
قالي باي عمله ؟
قولتله بالدولار
قالي اوك عشان تفتح حساب توفير لازم تاخد عليه شهاده استثمار تستحق المطالبه بيها كمان تلات سنين .
قولتله يعني ايه ؟ انا اعرف ان حساب التوفير عادي ب500 جنيه ممكن افتحه وافتح حساب فرعي جمبه بالدولار استقبل عليه فلوسي
قالي لا لازم شهاده استثمار ومش اقل من خمس الاف جنيه حد ادني .
قولتلك انا اول مره اشوف حاجه زي كده .
قالي كل بنك وليه طريقته .
دلوقتي هل الراجل ده عايز ينصب عليا ويخليني اعمل شهاده استثمار اللي اكيد بتفيد البنك من ناحيه واكيد بيطلعله عموله من الحوار ده برضه .
ده موقف حصلي لسه من نص ساعه بالضبط وعايز اعرف رائيكم .