واضح ان كثير من الاخوة مش موجودين
يا ريت يقرأوا المشاركة دي لما يرجعوا
انا داخل معاكو النيوزلندي والاسترالي والاتنين عكسو عليا اكتر من 170 نقطة زائد انعكاسات التبريدات
يوم الخميس خسارتي كانت حوالي 350$ وسيبت الصفقات وسافرت وكنت بافتح ابص عليهم كل فترة الاقي الخسارة زادت اسيبهم وامشي
النهاردة فتحت لاقيت الخسارة بقيت مبلغ وقدره. مين السبب؟؟ يا تري الدكتور اللي ملوش اي مصلحة اننا نكسب او نخسر هو السبب في خسارتي ؟ الدكتور حط روشتات ضد المارجن. انا واحد من الناس ملتزمش بيها ولا حطيت ستوب وداخل بعقود كبيرة جـــــــــــــــــــــــــــــــدا
دي مش غلطة الدكتور خالص. ومعلش يعني من الاخر لو حد دخل مع الدكتور من شهر واحد بس مستحيـــــــــــــــــــــــــــــل حسابه يكون قرب من المارجن الا لو ملتزمش بادارة راس مال وفتح عقود كبيرة
وانا واثق من اللي بقوله عشان انا عندي حساب كامل شغال فيه مع الدكتور فقط. والله انا لحد دلوقت كسبان فيه ومستعد انزل صورة من الحساب كاثبات علي كلامي
انا علي فكرة اقدر اشتغل لوحدي انما الروح الطيبة اللي عملها الدكتور هنا (اللي انا فعلا باعتبره أب ليا) والاصدقاء اللي الواحد عرفهم هنا هي الاسباب اللي بتخليني ادخل الصفقات. انا مش واحد بيلف المنتديات بحثا علي مزود توصيات يكسبني شوية فلوس
الرزق ده بتاع ربنا وهيبعتهولي بأي شكل
يا ريت الكل يفتكر الاسبوع الاسود اللي عدي علي كل الناس وحسابات اتمرجنت واحنا هنا عملنا مكاسب خرافية
لو حد هيقولي اني بدافع عن الدكتور. اه انا بدافع عن راجل مغلتش في حد و واحد انا فعلا معاه عوضت كل خسارتي وعملت ارباح خيالية كنت ممكن اقعد شهور عشان اجيبهم لوحدي.
من الاخر كده التوصيات موجودة للي عايزها. وكل واحد يتحمل مسؤولية دخوله. وانا اول واحد هدخل كل التوصيات اللي جاية وهاتحمل مسؤوليتها عشان انا عارف اني مش هبقي ملتزم بادارة راس مال صارمة
علي فكرة. انا عندي حساب تاني داخل فيه علي نفس الصفقتين وخسارتهم لحد دلوقت اقل بكثـــــــــــــــــــــير من مكسب اخر صفقتين لليورو والين اللي انا اغلقتهم يدوي. عشان ملتزم بادارة رأس المال في الحساب ده
اعتذر للهجتي الحادة بس انا تعبت من اللي بيحصل والحمد لله اني مكونتش موجود وقتها.
يا ريت يا شباب اللي حساباتهم صغيرة يمشوا علي روشتة الدكتور والتزمو بستوب لوس طالما الانعكاسات الكبيرة قد تضرب المارجن زفت وكلامي موجه للحسابات اللي اقل من 1000$
اسف للاطالة
تقبلوا تحياتي