اخى حسان عندى كام سؤال كده يا ريت تجاوبنى عليهم
1 . انا على الميتا تريدر 4 الخاص بالشركه لما بفتح صفقه واعملها ستوب و تارجت , الصفقه المفروض تقفل عندهم وتكتفى بالربح او الخساره . هى بقى عندى مش بتوقف بل بتكمل فى الخساره او الربح وتقفل وقت لما تحب
الكلام ده جربته على الديمو ولم اجربه على حساب حقيقى يا ريت تقولى المشكله من ايه . مش هعرف ارفعلك صور او دلائل لان الموضوع ده كان من فتره على حساب قديم اوى مش قادر افتكره
و يا ريت تقولى الكلام ده هيحصل معايا على الاكونت الحقيقى ولا لا عشان انا هفتح الحساب يوم 6 ان شاء الله.
2 . الحاجه التانيه انا لما بفتح اى صفقه بردوا على الديمو واعمل مثلا اللوت 0.01 فالمفروض النقطه تبقى ب 10 سنت بس البرنامج بيحسبها ب 1 سنت بس . يا ريت بردوا تقولى الكلام ده هيحصل على الحقيقى ولا ايه
ولا ده اساسا شئ عادى فى الشركه نظام مختلف يعنى
3 . ساعات وانا فاتح الميتا تريدر بلاقى الاسعار مش بتتحرك حتى مع مرور الوقت يعنى ممكن السعر يقف عند رقم معين بدون تحرك لساعات مع العلم ان فى الوقت ده بيبقى فى كونكشن مظبوط ونت شغال تمام.
4. اخر حاجه واسف على الاطاله , ساعات بيجيلى تحت فى اقصى اليمين no connection مع ان النت بيبقى شغال مش عارف ليه .
اخيرا شكراا وفى انتظار ردك