طرحت هذه المشاركه فى الموضوع الخاص بالزولو تريد فى قسم شركات التداول
وومنتظر اجابة اخونا ماكس جزاه الله خيرا وها انا اطرحها فى هذا الموضوع مرة اخرى
لوجود خبراء بهذا الموقع و تابعين لهذا المزود من فتره وفاهمين هو شغال ازاى
هذا المزود فى عنوان ملفه الشخصى
كاتب لكل متبعينه اللى رابطين حساباتهم معاه انهم لا يتداولوا باكثر من
واحد ميكرو لوط لكل الف دولار (( كلام معقول جدااااااا ))
لكن الغير معقول لما تخش فى وصف الملف الشخصى
وتجده كاتب برجاء ضبط اقصى عدد للصفقات المفتوحه فى نفس الوقت 30 صفقه
طبعا الميكرو لوط لا يتجزء على اكثر من صفقه فبالتالى معنى كلامه
ان كل صفقه من الصفقات اللى هايفتحهم مع بعض فى نفس الوقت هاتكون بميكرو لوط صح كده
انا عملت الاعدادات زى ما هو قال بالظبط بس لان انا فاتح حساب تجريبى بـ 5 الاف ظبطت كل صفقه
على 5 عقود ميكرو لكنه فى الصفقات المفتوحه حاليا الموقع فتحلى كل صفقه باربع عقود بس
والغريب اكتر كمان ان المفروض تكون النقطه باربعين سنت يعنى الــ 100 نقطه باربعين دولار
فى صفقه خسرانه 100 نقطه محسوبين بـ 14 دولار فقط وكل الصفقات بنفس النسبه هو فاتح 7 صفقات
خسرانين تقريبا 880 نقطه ما يعادل 119 دولار رغم انهم المفروض يكونوا بــ 352 دولار ما هذه الطريقه الغريبه فى الحساب
معقوله يكون عشان الحساب باليورو وليس الدولار اعتقد طريقة الحساب وحجم العقود وسعر النقطه المفروض انها واحده ايا كانت عملة الحساب
ياريت الخبراء فى هذا الموقع ولو حد متابع مع هذا المزود يقولى اعداداتى كده صحيحه 30 صفقه كل صفقه ميكرو لوط لكل الف دولار
وكمان بخصوص سعر النقطه وطريقة الحساب الغريبه دى ولا فى حاجه انا مش فاهمها والعيب من عندى انا
كمان بخصوص شركة AAAFX لان هذا المزود فاتح حسابه فيها ولاحظت كتير من المزودين فاتحين حساباتهم فيها وانا لو هافتح حساب
واربطه بهذا المزود هافتحه فى الشركه دى لانها فيها العمله اللى المزود ده شغال عليها اليورو هنجارى
هل الشركه دى مسجله فى الان اف اى وهل السحب والايداع يتم فيها بسهوله ولا فى تعقيدات ومماطله
وهل فى اى شركه من الشركات الكبرى المتعارف عليها فى هذا السوق تتيج التداول على هذا الزوج الغريب
اسف على الاطاله وشكرا جزيلا مقدما