أدارة رأس المال ووضع ال (ستوب لوز) :-
ودى هانستخدم فيها المؤشرات الثانوية :-
FiboPiv_v2
MAX Movin Average set at 50, 14, 2000, 2
Camarilladt7.1 with L3, L4, L5 and H3, H4 and H5
أولا :- مؤشر ال (الفيبو بيف)
الشرح فى الشكل التالى , و ياريت الأخوة اللى بيشتغلو على الدعوم و المقومات يوضحولنا اكتر .
من المهم جدا معرفة ادارة رأس المال و اين سأضع الستوب لوز عشان أدير راس مالى بطريقة صحيحة , من المهم معرفة كم عدد النقاط اللى هاحققها من الصفقة عشان أقدر اعرف أحط الستوب لوز فين , الستوب لوز هايقولنا ما ينبغي لنا أن نتوقع وفقا لمعدل نسبة الربح للخسارة , كمثال للتوضيح عندنا اشارة شراء قوية على اليورو دولار عند 1.2700 و قررنا ندخل بعقد أستاندرد , كدة تمام , هاحط بقى الستوب لوز فين ؟
مثلا هانحط الستوب لوز على بعد 34 نقطة , معنى ذلك اننا لو خسرنا الصفقة هانخسر 340 دولار , لو مش هانغامر لازم نتوقع الحصول على 690 دولار على الأقل , ودة معناة الحصول على 69 نقطة أى بنسبة 1:2 الربح للخسارة ولكن النسبة الأمثل هى 1:3 الربح للخسارة أى 1030 دولار بمعدل 103 نقطة .
اليورو دولار معدلة اليومى عادة يتراوح بين 60 الى 80 نقطة , ودة معناة ان الغالبية العظمى ان احنا مش هانقدر نحصل على ال 103 نقطة فى أغلب الحالات , عشان كدة اية الهدف من وضع الستوب لوز على بعد 34 نقطة من دخول الصفقة , من المفروض ان احنا مانعملش كدة عشان نقدر نحافظ على أموالنا , عشان كدة لازم نحط الستوب لوز بحسب نسبة المكسب و الخسارة المفترضة او المتوقعة .
انت ممكن تقول ان هاحط الستوب لوز بنسبة 3:1 الخسارة للمكسب , هاحط الستوب لوز على بعد 5 نقاط من دخول الصفقة , يبقى كدة انا عاوز 15 نقطة عشان تبقى النسبة صحيحة مش كدة ولا اية , بس للأسف مش بالطريقة دى , ماينفعش , أحنا بنستخدم الشارت عشان أحنا بنفترض انة بيقولنا السعر ماشى ازاى , لو هانحط الستوب لوز على بعد 5 نقاط بدون النظر الى الشمعات السابقة و قبل ما تدينا المؤشرات اى اشارة للدخول, انا اعتبر ان دة مقامرة و مش متاجرة , طب اية الحل دلوقتى ؟
لازم نشوف الشمعات اللى قبل كدة كان السعر فيها بيتحرك كام نقطة يوميا عشان نقدر نعرف نحط الستوب لوز فين , كمثال لو الساعة 5:30 مساءا و فى اشارة دخول شراء على اليورو دولار , و عاوزين نحط الستوب لوز على بعد 15 نقطة , بس معدل النقاط اللى تحرك فيها السعر 10 نقاط يوميا , يبقى كدة هانقدر نحط الستوب لوز بعد 15 نقطة ؟؟؟؟؟؟
انت ممكن تقول ان السعر أحيانا بيكسر معدل تحرك النقاط فى اليوم ؟
ايوة ممكن, بس زى ما انتا قولت أحيانا, ممكن أة و ممكن لأ.
على فكرة الكلام اللى فات بخصوص ادارة رأس المال مترجم من صاحبة الأستراتيجية .
عاوز اشوف تعليقاتكم و أسئلتكم عن الموضوع
لازم تلتزم بشروط الأسترتيجية الصارمة و ادارة رأس المال .
هاحاول قدر الأمكان معرفة المزيد عن أسرار الأسترتيجية .
على فكرة انا بعتبرنفسى لسة مبتدأ فى الفوركس
بقالى 6 اشهر, بس تدريب مكثف .
و احب اشكر تانى الدكتور اسامة على المجهود الرائع فى كورس تعليم الفوركس , لولاة كنت هاكون تاية فى بحر الفوركس.
شكرا جزيلا لكم و مستنى الردود
و الايكات أكيد
تحياتى 