للوهله الاولي من النظر في الشارت المرفق بهذه الصوره يبان ان الموضوع مجرد نموذج رأس وكتفين مقلوب متكون علي فريم الاربع ساعات بعد التدقيق شويتين ونرسم فيبوناتشي من 0.8402 الي 0.8091 ونضيف مستوي 0.23 - نلاقي في كلام تاني ونشوف مدي احترام السعر للمستويات دي ونشوف لوحة فنيه لنموذج الرأس والكتفين بتترسم علي علي مستويات الفيبوناتشي بس لسه الموضوع مخلصش ندقق في الشارت شويتين كمان نضيف خطوط الزمن لفيبوناتشي ونضيف مستويات 4 و 6 و 7 تبقي الصورة بالشكل ويزيد جمال اللوحه قدامنا ونشوف السعر بيعمل ايه لما بيوصل للخطوط دي نعد بقي عدد الشموع بين كل قمه وقاع وقصدي هنا بالقمه هو الهاي اللي السعر معدهوش بشمعتين قبله وبعده والقاع هو اللو اللي السعر معدهوش بشمعتين قبله وبعده نعد ونتفرج ونقول هل مجرد اللي بيحصل قدامنا ده هو حركه عشوائية ولا مرايات ولا نموذج عادي بيتكون بس بالصدفه اتكون علي مستويات فيبوناتشي وبالصدفه وقت الانعاكسات فيه متساوية مستني اراء الجميع همسه : الصفقه اللي علي الشارت ده هي شراء وبعقد 0.01 واستوبها 35 نقطه من سعر الدخول وتيك بروفتها 60 نقطه علشان محدش يتغر ,,,,, طبعا السعر لو كسر خط العنق ساعتها هيبقي في كلام تاني خالص