كيف تربح الشركات النصابة في الفوركس
طبعا في ناس كتير مش عارفة طريقة ربح الشركات النصابة في سوق الفوركس
هناك كثير من الشركات في سوق الفوركس وقليلا ما تجد شركات مسجلة
ولكن يوجد كثير من الشركات النصابة حيث يتم قسمتهم الي جزئين
الجزء الاول : ينصب عليك وانت لاتعـــلـــم ولن تعـــلـــم
ازاي بقي انت بتروح تفتح حساب حقيقي وتحول الفلوس في الشركة وزي الفل
وهما يبعتولك رقم الحساب والباسورد بس اللي انت متعرفوش بقي
ان الحساب دة ديمو لكن هيظهر قدامك علي الميتاتردير كانه حقيقي
وانت تفضل تشتغل علي الحساب وهما عارفين ان 95% من المضاربين
بيخسروا يعني من كل 10 واحد بس اللي هيكسب والباقي هيخسر
في احتمالين
الاحتمال الاول : انك تكسب
واللي بيكسب وبيفهم بيبان علي طول بياخدوا العمليات اللي بتنفذها ويروحوا
ينفذوها علي حساب حقيقي ولو كسبت بيدولك الفلوس عادي
الاحتمال الثاني : انك تخسر
طبعا الحساب كان ديمو من الاساس وهما معاهم اصل الفلوس وطبعا انت مش عارف
مهو انت خسرت فعلا ومش هيبقي ليك عين تتكلم
النوع الثاني : ينصب عليــك وتعلم ولكن بعد فوات الاوان
في شركات تانية بقي بعد مبتحول الفلوس بيدولك بـيــانــــات حساب ديمو ايضا
ولكن لو كسبت وعايز تحول المكسب او خسرت وعايز تحول الباقي
بتكلمهم مش بيردوا عليك وتدور علي الشركة ملهاش مقر غير علي النت بس
وبعد كدة تلاقي نفسك لوحدك وانت مش عارف انت بعت الفلوس لمين اصلا
يارب تكون المعلومات فادتكم