يا عمي اللي قاعد يصير تهريج ماله نهاية
تدخل تلاقي واحد بقول اصبروا لاغلاق شمعة الأربع ساعات ويتحدد الاتجاه تغلق الشمعة طب نبيع يا باشا بيقولك اصبر ياله شمعة أربع ساعات تانية تأكد الآتجاه تغلق الشمعة
وأنتى عمال تفرك بيدك هاه نبيع بيقولك اصبر يا جاهل اصله في ترند لازم يتكسر يكسر الترند خلاص هنبيع لا يا حمار فاضلك دعم قوي على اليومي يكسر الدعم
انتظر اغلاق اليومي تقفل شمعة اليومي هابط ويخلص اليوم الزفت ده تقوم تدخل بايع وانت مطمن يقوم السعر يطلع ويضرب الاستوب بتاعك زي الي حصل النهاردة
ليه يا باشا ليه يا عم بيقولك أصله في تشبع بيعي وأصله بيعمل اعادة اختبار وانت ما دخلتش صح يا حمار
طب حسابي تمرجن يا رجالة أعمل ايه دلوقتي تستاهل يا كلب عشان تتعلم ادارة رأس مال تاني
وهلم جرة يقدر حد يجاوبني كل الناس متفقه انه اليورو هابط لامحالة ايه السبب اللي خلاه يرتفع بهذا الشكل المريب وفي مدة منية قصيرة
الأكيد انه في ناس بتلعب بالسوق ده واحنى الغلابة ضحايا اللعبة دي