الحمد لك والشكر ليك يا رب
على إن كل الناس الحلوه ده شاركتنى فى الموضوع اللى إن شاء الله هيكون مفيد لنينا كلنا وكل واحد يكتب فيه إنطباعاته عن اللى بيحصل فى العالم من حوالينا وبكده كلنا نستفاد إن شاء الله
وطبعا بشكر مشرفينا الغاليين على وجدوهم فى الموضوع ده
وإسمحولى إنى أوضح وجهه نظرى البسيطه لمشرفنا الغالى معاذ ويا رب وجهه نظرى تكون مفيده
أول حاجه حضرتك قولت إن أمريكا مش بتحاول إنها تعيد السيطره على العالم ولاكن هى بتحاول إنها تخرج من المأذق اللى هيا فيه
أنا مع حضرنك فى كل اللى بتقوله
وصحيح أن الكل يعانى من أزمات لاكن فى وجهه نظرى إن أمريكا بتحاول إعاده تنشيط إقتصادها من خلال تنشيط مؤشر ناسداك ( أى صناعه الألكترونيات ) من جديد
ومن خلال تنشيط هذا القطاع أو المؤشر العبور إلى بوابه إنتعاش الأقتصاد عامه يعنى باقى الصناعات
وبكده ترجع أمريكا زى ما كانت فى الماضى تمتلك صناعه أو سلعه واحده لا تنافس فى العالم ( قانون العرض والطلب ) ومن هنا عوده السيطره مره أخرى
بس المشكله اللى بتواجه أمريكا فى الموضوع ده هو إن التطور التكنولوجى بيحتاج إلى أبحاث وإختراعات وده محتاجه وقت وإهتمام كبير من الدوله ومحتاجه كل فرد فى الدوله
وده على عكس اللى كان حاصل قبل إكتشاف بدايه ضعف الأقتصاد الأمريكى مع حدث أزمه الديون العقاريه
وعشان كده إبتدوا دلوقتى يلعبوا مش بقوانين عسكريه ولاكن بقانون العرض والطلب من جديد
يعنى لو لاحظنا عمليه الضغط على إيران وفرض عقوبات هنلاقى إن الصين مش لاقيه مقدار كافى من البترول وده اللى مخليها مش ملتزمه بالعقوبات ولسه بتتعامل مع إيران
ولما إيران قالت إنها هترد على العقوبات ده عن طريق إنها هتتعامل بالدهب بدل من الدولار الأمريكى ( زى ما قريت فى إحدى الأخبار ) برنانكى طلع وقال إيران
( إن السوق لسه فى إيد الامريكان وإنهم ببساطه ممكن يجعلوا من أى حل إنتو هتعملوه ملهوش لازمه )
إذا هى حرب المصالح ..... أو دعنا نقول أنها حرب على من يكون الأفضل فى المستقبل ومن يستطيع أن يسيطر
أرجو أن أكون بينت وجهه نظرى بطريق بسيطه لحضراتكم
