فكرتني بالذي مضي :-(((
انا بدأت حياتي الفوركسيه ب 400 دولار وفي خلال شهر كنت مقفل ال 3000 دولار.........وبنظام أخطف وأجري....يعني مكنتش بنتظرال 100 نقطه ولا ال50
وبدأت أغامر بشكل أقوي...وبدل الصفقه إتنين وتلاته في المره الواحده وبلوت كبير .......لحد ما جه يوم مطلعتلوش شمس وكنت علي وشك أقفل ال 8000 دولار
دخلت بعدد صفقات كبير بلوت كبير............وقمت بكل غرور علشان انزل أجيب حاجه من الشارع بإعتبار ان السوق انا عارف هو ماشي أزاي
وكنت محقق بروفيت 400 وشويه...........فجأه السوق عكس معايا ولاقيت خساره أكتر من 6000 دولار بكل بساطه.....وقلت مش مشكله دلوقتي حيتعدل..دلوقتي حيتظبط...ولا حياة لمن تنادي.......لحد ما لاقيت الرصيد بيطلع علامه حمرا.....علامه علي انه علي وشك أن الرصيد يتصفر بالكامل.......وبسرعه قفلت كل الصفقات وانا قلبي بيقف من الخوف
.................................
وبعد ما قفلت كل حاجه......لاقيت الرصيد الباقي تخيلوا كام ؟؟؟؟؟......... من 8000 دولار .......لــــــ 130 دولار.......أه والله 130 دولار
وطبعا بعد الهزه النفسيه العنيفه إلي حصلت لي......خسرت كمان 130 دولار وقعدت سنه ونص علي ما عرفت اهدي وأنسي ودخلت من تاني بحساب ديمو علشان أستعيد الثقه في نفسي وبحاول أعالج نفسي من الصدمه دي لحد دلوقتي......................