لايحك جلدك مثل ظفرك حبيبي في الله واخي الكريم طرزان سيبك من حاجه اسمها المؤشرات انا عن تجربه شخصيه درست اغلب المؤشرات وفي الاخر لقيتها صفر كلام بيضيعوا فيه الناس والسلام ده بنسبه للمؤشرات النتيجه حتكون نفس الشي ان كان على ديمو ولا حقيقي كله واحد انته لازم تركز على حاجات افضل من المؤشرات ركز على النماذج السعريه ركز على مستويات فيبوناتشي ركز على الهارمونيك ركز على الموجات لليوت واربطه مع نظريات الاخ جان وعلشان كده الرابط مره تانيه هو http://www.fx-arabia.com/vb/forumdisplay.php?f=3 متخليش كتاب الا وتبص فيه ايوه هو كده اتعب شويه الفوركس خبرة سنين مش يوم وليله ولازم تبني نفسك حبه حبه وكانك بتبني شركه او حتى بنايه لازم يكون في اساسات وهو العلم والتعلم ولازم يكون في عمدان وهو الثقه بنفس ولازم يكون في سقف وهو وادارة راس المال حاجات كتير لا يمكن تكون في يوم وليله والسوق كل يوم وكل موقف ليه استراتيجيه مش هيه استراتيجية النجوم وخلاص في وقت سكالبينج ووقت نماذج سعريه ووقت حاجات تنيه وكده يعني كتبتلك رد كافي ووافي متقليش مبتردوش عليه ابدء اتعلم وبلاش شغل التوصيات انته لازم يكون عندك اساسات علشان تعرف التوصيه مزبوطه ولا افلام هندي وبعدين الموضوع مش هبل يعني تدخل السوق وتطلع بعد 10 دقايق ده مش تجاره ده اسمه ولا بلاش نفول خليها مستوره وفي الختام لك مني كل الحب والتقدير والاحترام