الجزئيه الثانيه من وقف الخساره
يقول المثل
قرب وقف الخساره ودع الارباح تجري
كيف وشلون؟
في البدايه عرفنا ان وقف الخساره يكون فوق اقرب قمه في حاله البيع
وتحت اقرب قاع في حاله الشراء
لنفرض دخلنا بيع من مستوى 1.2200 ووقف الخساره عند مستوى 1.2270
نزل السعر الى مستوى 1.2150 (اي تحقق 50 نقطه)
ونتوقع المزيد من الهبوط
هل نترك الاستوب في مكانه؟ واذا عاكسنا السوق يرجع يضرب وقف الخساره بعد تحقيق الربح!
لا طبعا ماراح نتركه
هنا يجي دور قرب الوقف ودع الارباح تجري
بعد هبوط السعر من مستوى 1.2200
اصبحت 1.2200 قمه جديده وبنضع وقف الخساره فوقها كسبيل المثال وقف الخساره الجديد بيكون عند 1.2220
الفائده الي استفدناها . ان المخاطره اصبحت قليله بدل 70 نقطه صارت 20 نقطه فقط
طيب لنفرض انه هبط مره اخرى الى 1.2120 وارتد السعر الى 1.2160
ورجع نزل الى 1.2100
هنا ايضا اصبح مستوى 1.2160 قمه جديده . ونقرب وقف الخساره الى فوق القمه الاخيره ونخلي الوقف الجديد عند مستوى 1.2180
ونترك الصفقه تتخذ طريقها ان ضرب وقف الخساره راح نكون حافظنا على جزء من الارباح
وان واصل هبوطه راح نواصل معه تقريب وقف الخساره فوق كل قمه جديده
الى ان يتحقق الهدف بالكامل
,,,,,,,