السلام عليكم ورحمة الله وبركاته
اعضاء اف اكس ارابيا عاملين ايه
من غير اي مقدمات ولا حاجة في استراتيجية من تأليفي
ارجو انكم تشوفوا الاستراتيجية دي اللي اكتشفتها بالصدفة
الاستراتيجية من مؤشر واحد فقط !!!!!!!!
لا تتعجبوا
المؤشر :- GP - LAUER
الفريم المستخدم :- شارت 30 دقيقة
العملة :- اليورو دولار
الحالة :- مجربة باك تست فقط
ملحوظة الاستراتيجية دي انا عاملها باك تست على اليورو دولار من شهر نوفمبر الى الان
شرح الاستراتيجية
المؤشر ده عبارة عن خطين عرضيين على هيئة نجوم خط لونه احمر وخط لونة ازرق الخط الاحمر بيظهر فوق الشموق وده بيقول ان السعر هيهبط والخط الازرق بيظهر تحت الشموع وبيقول ان السعر صاعد
نقاط الدخول شراء :-
عند بداية ظهور الخط الازرق تحت الشموع هستنى شمعتين يكونوا صاعدين شمعتين ورا بعض يعني لازم يكونوا ورا بعض على طول وبعد اغلاق الشمعة التانية صاعدة هدخل شراء وبيتحقق نقط كتير ممكن تكتفي مثلا بتيك بروفيت 10 نقاط الى 30 نقطة والاستوب لوز ميزدش عن 30 نقطة اقصى ارتداد جابه هو 22 نقطة .
نقاط الدخول بيع :-
عند بداية ظهور خط احمر فوق الشموع هستنى شمعتين هابطين ورا بعض بردوا وهدخل بيع في الشمعة التالتة وبيتحقق من 10 الى 30 نقطة ساعات بيجيب لحد 80 نقطة والاستوب لوز بتاعي 30 نقطة
انشاء الله نجرب الاستراتيجية على الديمو ونعملها ورشة عمل
ارجو من الاخوة يعمللولها باك تيست بنفسهم ويردوا عليا