السلام عليكم
اولا احب احيكم على المشاراكت الفعاله دى وربنا يجزاكم خير يارب على مساعدتنا
انا عندى سؤال يمكن يكون غبى شويه او بدائى بس محيرنى فعلا ومنتظر اجابته
- بخصوص الستوب لوس
المعلومة اللى عندى ان الستوب لوس بيتحدد عند الدعم لو انا داخل شراء او عند المقاومه لو انا داخل بيع
طيب انا بشتغل على تشارت يومى واستحاله اشتغل على اقل من كدا لاكتر من سبب ( ظروف وقتى وشغلى - بشوفو افضل هو والاسبوعى )
فهل انا ببدأ انفذ الستوب لوس مع اغلاق الشمعه ؟ ولا مجرد انى شفت الديل كسر الستوب لوس ؟
المعلومه اللى عندى انى اتعامل مع الاغلاقات فقط بمعنى لو حصل اى اغلاق وضرب الستوب لوس اخرج من الصفقه ودا معناه انى محطش ستوب لوس اوتوماتك ولازم انفذه بإيدى بمجرد انى اشوف اغلاق كاسر الستوب لوس
السؤال هنا ان اوقات بيحصل ان الاغلاق بيكون تحت الستوب لوس بكتير
الصراحه انا محتار فى الموضوع دا انا لغاية دلوقتى شغال على الديمو والحمدلله مابيحصليش ضرب ستوب لوس كتير
بس انا خايف ادخل فى الحقيقى قبل ماعرف النقطه دى كويس
هل اتعامل فعلا على الاغلاقات يعنى انا هبص على التشارت فى اغلاق الشمعه اليوميه ؟
ياريت الاجابه تكون بسيطه وواضحه بمعنى :
- نعم تعامل على الاغلاق فقط او لا تتعامل بالاغلاقات
- اضع ستوب لوس من البرنامج ولا انفذه بإيدى
- افضل الاماكن لوضع الستوب لوس
اسف على الاطاله وفى انتظار ردكم الغالى