أستغفر الله العظيم الذي لا إله إلا هوالحي القيوم وأتوب إليه .
سبحان الله و بحمده , عدد خلقه , و رضاء نفسه , و زنة عرشه , و مداد كلماته
سبحان الله و بحمده , سبحان الله العظيم
جزاك الله كل خير و جعله في ميزان حسناتك يا غالي
انا حابب اقول بعض الحاجات الاضافية اللي ممكن تنفع عامة المسلمين
و كلها عن تجربة
الاستغفارلا بد و ان يكون معه تأدية العبادات الاساسية وايضا يكون متزامن مع ترك المعاصي
يعني تستغفر و تتجنب المعاصي
مش واحد يقعد يستغفر و هو ناوي يكمل معصية او يمتنع عن طاعة
الصلاة اهم شيء في حياة الانسان لانها صلة بين العبد و ربه
بتصلي يبقى هتستغفر و دعواتك هتكون مجابة باذن الله و رزقك يزيد
و لله الحمد انا كل مرة بصلي صلاة الحاجة و ادعي بنية و اخلاص لله و حسن ظن بالله ربنا بيستجيب دعوتي
لكن لو اخرت صلاتي او توقفت عنها الرزق بيقف و ينقطع و العياذ بالله
و كـان ربنا سبحانه و تعالى بيقول لازم ترجع للطاعة
بالمختصر: الصلاة و المعاملة الحسنة ( حسن الخلق ) , بر الوالدين , صلة الرحم , و الاستغفار هي مفتاح صلاح حياة الانسان و رزقه
و الحكاية لازم تكون ثقة بالله سبحانه و حسن ظن به و انه يريد الاصلح و الافضل لعباده
و في حاجات تانية لاجابة الدعوة و زيادة الرزق
لكن اهم حاجة لاجابة الدعوة و سعة الرزق ان يكون الاسنان قريب من ربنا سبحانه
جربوا المحافظة على الصلوات الخمس, و صلاة الحاجة و صلاة الاستخارة و الاستغفار و الصوم
صوم يوم في سبيل الله يباعد به الله بين العبد و بين جهنم 70 خريفا
و ربنا سبحانه قال في حديث قدسي ما معناه ( كل عمل ابن ادم له الا الصوم فإنه لي و انا اجزي به )
يعني اللي ليه مطلب او حاجة عند ربنا يصوم يوم لله و يصلي فيه كتير و يستغف كتير و يشوف النتيجة
و يفضل انه يعمل كده كل اتنين و خميس او مرة اسبوعيا او شهريا على الاقل
و من تذوق ليس كمن شاهد
مع خالص تحياتي للجميع
اخوكم احمد