اولا / الموضوع مخصص للتعليقات المضحكة من فيس بوك وتويتر يبقى حضرتك لما تكتب حاجة زى المشاركة دى هنا يبقى حضرتك قصدك توصل رسالة
لواحد انت شايفه ضد الاسلام
مع العلم انى ضد تجار الدين والوهبيين والمتأسلمين مش ضد الاسلام طبعا
ثانيا / الكنائس من وجهه نظرى ليست فى حاجة الى حماية وخاصة من الوهبيين اللى وجودهم حول الكنائس ممكن يستفز الاخوة المسحيين
وبالدليل لما قامت الثورة واختفت الشرطة وقبل نزول الجيش كان ممكن اللى عايز يعمل حاجة يعملها وبعد حتى الجيش ما نزل كان موجود قوات منهم لحماية بعض الكنائس
ومش كلها ومفيش حاجة حصلت برضه للكنائس
ثالثا / البلد دى بلد فيها هيئات وقوات مخصصة للحماية ولو عايزين ينزلوا ويحموا هينفذوا والبلد مش واقعة فى عرض شوية جماعات متطرفة فكريا علشان تحمى اى مبنى او جامع او كنيسة او اى حااااااااااااااااااااااجة
رابعا / ده شغل منظرة بدل ما يعملوا برم وقال يعنى عايزين يحموا الكنائس للاخوة المسحيين ممكن يعملوا حاجة افضل
كمثال يلموا لسان بعض زعماء الوهبية السليط من على الاخوة المسحيين واللى هيتسببوا فى فتنه طائفية ولو عايز امثلة ممكن تقارن بين موقف مفتى الجمهورية وموقف ياسر برهامى من تهنئة الاخوة المسحيين بعيدهم
او مثال تانى كنسية اطفيح وان الناس مهديتش هناك غير بعد اللقاء الشهير بتاع واحد من اللواءات بتوع المجلس العسكرى وعمرو خالد وجورج اسحاق ومحمد حسان اللى جابوه مخصوص علشان يهدى اتباعه الوهبيين
خامسا / انت افترض انهم مهما عملوا محدش هيفتكرلهم حاجة بص ياسيدى انت مش بتتكلم مع واحد اجنبى ولا سائح ولا مش بيركز فى الكلام اللى بيتكتب
انا عايش فى وسطهم وكتبت قبل كده ان انا ليا اصحاب منهم وكتير كمان وقلت ان مش كل السلفيين وحشين بس قلت ان اكترهم طريقة تفكيرة مش بتعجبنى
وقلتلك ممكن ابعتلك صورى معاهم لو عايز
فياريت متحطش فرضيات وتصدقها