اكتر حاجة فرحتلها والله هي انك قمت الحمد لله بالسلامه وربنا طمننا عليك
موضوعك رائع جدا جدا واهم اهم نقطة قلتها " ان تكون لديك غرفة خاصة للعمل فى منزلك او مكتب بحيث لا يزعجك احد " بجد النقطة دي في رأيي هي عصب الفوركس علشان تخد قرار انك تدخل السوق ده لازم قبلها تكون متأكد من توافر البيئة المناسية ليه ودي للأسف الغلطة اللي اغلبنا بيقع فيها وبنكتشفها بعد ما تكون حصلت
السوق ده فعلا مينفعش تشتغل فيه وفي ازعاج او دوشة او اي حاجة ممكن تشتت انتباهك او تشتغل مثلا علي اتصال انترنت ممكن يحصل فيه ريكويست او تشتغل مثلا وانت في الشغل وما أدراك انك تكون شغال في مكان او شركة نظام المكاتب فيها مفتوح لو المدير سابك في حالك العقارب اللي معاك مش هتسيك في حالك غير الظروف الطارئة اللي ممكن تحصل في وقت تكطون فاتح فيه بوسشن ومتلحقش تتصرف
تخيل بقي كل ده لازم تفكر فيه قبل ما تتدخل السوق ده
في نقطة بقي ياشريف عايز اتكلم معاك فيها دلوقتي انا فعلا شغال بطريقة قريبة من طريقتك وهي تحقيق 5 نقط يوميا طبعا لو هتقعد للفوركس من 9 الصبح الي 6 مساءا 5 نقط بحمد الله هقدر احققهم ده لانك بتبقي شيعت كلام مع الشارت وقريته ويوم عن التاني فهمك ليه بيزيد وصدقني بتوصل لوقت انك فعلا بتتكلم معاه بس للأسف انا بقي دخولي بيكون خطف يعني لو شفت الشارت لمدة نص ساعه بس في اليوم يبقي خير وبركة وفي حد دعالي ... معلش طولت عليك وبعدت عن النقطة اللي كنت عايز اكلمك فيها
دلوقتي علشان اقدر احقق خمس نقط بسهولة ومن غير ضغط لازم شغلي يكون مع بروكر بيدي سبريد منخفض جدا ولو دورت علي بروكر بيدي سبريد منخفض هتلاقي بس المشكلة انهم مش مضمونينوتقريبا ملهمش تسجيلات في الهيئات الرقابية بس لو بصيت علي طرق السحب والايداع اللي بيقدوموها هتلاقيها روعه وفي منتهي السهولة وكلها بكليك ماوس وسحب علي الكريدت في اقل من 24 ساعه مش بورق وسحب سكانر وتحويل بنكي بس ولو جيت ودورت علي البروكر اللي يكون مضمون هتلاقي السبريد اعلي من نقطتين وطرق سحب وايداع معقدة ومتنفعش مع سحب 25 دولار في الاسبوع غير كده أهم نقطة هي السبريد المرتفعهم بتاعهم واللي اوقات بيوصل ل 2.5 نقطة واللي بسببه اوقات بتطلع من بوسشن علي خساره وخصوصا لو اوامر بيع لان ببساطه السبريد بيترفع كل ما السعر ينزل ياتري هل قابلتك النقطة دي ..... واي بروكر انت بتتعامل معاه دلوقتي
وحمد لله علي سلامتك للمرة التانية واهلا بعودتك ياغالي