المشاركة الأصلية كتبت بواسطة spedoboy بص يا استاذنا موضوع الشبكة دي كانت جايه لمصر هديه من الامارات دا اللي انا اعرفه سويرس اشتراها ازاي دا اللي لازم تحقيق فيه ......... موضوع اراضي الجونه انت بتقول الاراضي في مصر كانت حاجه ببلاش للحبايب واذا كان عمل كدا يبقي زيه زي غيره .... طيب وغيره دلوقتى مش في السجن !!! .... اذا بعمليه حسابيه بسيطه نستنتج ان الباشا مكانه السجن ... وهو دة قصدى فعلا أن لو حصل كدة يبقى زى غيره ... ووقتها غيره هم نوعين فقط ... نوع دخل مع الزفة ودوول دفعوا فرق سعر الأرض مثل الوليد بن طلال وأنتهى الموضوع ... ونوع تانى فى السجن لأنه دفع رشاوى وعمولات ... وأوضح لك لو عمل كدا يختار ينطبق عليه شكل من الاتنين السابقين .... ولو براءة يبقى ننام شوية بقى .... ونبقى متفقين تانى بس مشاركتك كانت لازمة لتوضيح معنى زيه زى غيره . والدعوي اللي حضرتك ذكرتها دي طبيعيه جدا واحد شبكة المحمول بتاعته ثبت انها مخترقه من اسرائيل هو مش يبقي كدا الباشا محل شك ازاي بقي يبقي في منصب زي دا ويتوغل في اسرار الدوله ويحط مناخيره في كل حاجه بحجة انه عضو في المجلس الاستشاري اللي انا شايف انه ملوش لازمه اساسا وحاجه معموله توقف المراكب السايره وخلاص ممممم ... ثبت ؟؟؟ من فين ثبت دى بقى !!! ... كونه محل شك فدة من سمات الثورة ومفيش فيه عيب الكل مشكوك فيه لأن الثورة بيتم طعنها كل يوم 100 مرة بأيادى مجهولة فلازم تفتح عنيها كويس وطبيعى تشك فى أى حد .. لا قدسية لأحد ولا احد فوق القانون ... المجلس الأستشارى لسة مكونتش فية رأى واحد لأنه أما يكون أو قد يكون أو .. وكله هيبان واحدة واحدة ... حكاية بقى يتوغل وينتشر وأسرار ..اللى عمل المجلس مش عيال صغيرة المجلس العسكرى اكيد له أهداف لكن انا مش شايفها بوضوح لغاية دلوقت ومش شايف اى اسرار هيناقشها الأستشارى .. الموضوعات هتكون معلنة وهتكون محالة إلية من العسكرى وليس له سلطة على أى من أجهزة الدولة ولا تدخل فى أسرارها الغير معلنة ( لو عندك مثال قوله ) ... ملحوظة أخيرة ... موبينيل ليست من أملاك ساويرس رغم أنها من إنشائه ولايوجد له صلاحية على مجلس أدارة الشركة حاليا وأسهمه فيها هى حصة غير حاكمة .... أسهم الشركة يملكها مصريين وشركات أجنبية ومطروحة فى البورصة المصرية للجميع وجميع من يعمل بها مصريين ... الهجوم على موبينيل بيفكرنى بالهجوم على بيبسى التى أفتى فيها من لايعلم بدون حتى أن يتحرى الدقة ويسأل أهل العلم بل لم يستحى أن يقول " أبنى قال لى " بأن بيبسى معناها أدفع كل سنت لأنقاذ أسرائيل وكان سبب فى تأثر العاملين بالشركة لولا أن شعب مصر فية شوية ناس متعلمين فهموا الناس الأصل العلمى للأسم .ورغم ذلك فالتفسير المغلوط مازال البعض يتشدق به لأنه لهم عيون ولا يبصرون ولهم أذان ولكنهم لايسمعون ... من الأخر تمت برمجتهم على كدا .
بص يا استاذنا موضوع الشبكة دي كانت جايه لمصر هديه من الامارات دا اللي انا اعرفه سويرس اشتراها ازاي دا اللي لازم تحقيق فيه ......... موضوع اراضي الجونه انت بتقول الاراضي في مصر كانت حاجه ببلاش للحبايب واذا كان عمل كدا يبقي زيه زي غيره .... طيب وغيره دلوقتى مش في السجن !!! .... اذا بعمليه حسابيه بسيطه نستنتج ان الباشا مكانه السجن ... وهو دة قصدى فعلا أن لو حصل كدة يبقى زى غيره ... ووقتها غيره هم نوعين فقط ... نوع دخل مع الزفة ودوول دفعوا فرق سعر الأرض مثل الوليد بن طلال وأنتهى الموضوع ... ونوع تانى فى السجن لأنه دفع رشاوى وعمولات ... وأوضح لك لو عمل كدا يختار ينطبق عليه شكل من الاتنين السابقين .... ولو براءة يبقى ننام شوية بقى .... ونبقى متفقين تانى بس مشاركتك كانت لازمة لتوضيح معنى زيه زى غيره . والدعوي اللي حضرتك ذكرتها دي طبيعيه جدا واحد شبكة المحمول بتاعته ثبت انها مخترقه من اسرائيل هو مش يبقي كدا الباشا محل شك ازاي بقي يبقي في منصب زي دا ويتوغل في اسرار الدوله ويحط مناخيره في كل حاجه بحجة انه عضو في المجلس الاستشاري اللي انا شايف انه ملوش لازمه اساسا وحاجه معموله توقف المراكب السايره وخلاص