يا استاذنا مش لازم يقول المصريين دول ولاد تييييت عشان يبقي غلط ... واضح جدا تهكمه واستخفافه وسخريته بالمصري انا مش عايزه يقول ان مصر ام الدنيا ومشربتش من نيلها ويغني لنانسي والكلام دا هو المصري بالنسبه لسويرس هو اللي علي طول بيضرب فول وهدومه مش نضيفه وشكله مفركش ومش حالق دقنه هو دا المصري ضايع اوي كدا لو عجباه لبنان اوي كدا وتربيت لبنان يتوكل علي الله يعيش هناك مصر رغم الظروف السوده اللي كانت عايشاها طول ال 60 سنه اللي بيتكلم عليهم طلعت ناس محترمه في جميع المجالات رغم ان لا اقتصاد مساعد ولا تعليم مساعد هو زويل دا طلع منين ولا مجدي يعقوب ولا فاروق الباز ولا نجيب محفوظ ولا يوسف شاهين ولا عادل امام ولا الشيخ الشعراوي ولا البرادعي ولا ولا ولا فيه مصريين كتير جدا عايشين بره وماسكين مناصب محترمه لكن للاسف كان مفروض تعتيم كبير عليهم من النظام السابق ..... لو فعلا زي ما بيقول المصري عايش عشان ياكل فول ومش قادر يبدع ويبتكر مكنش ظهر شاب زي هيثم الدسوقي الفائز بجائزة نجوم العلوم واختراعه اللي انا شايف انه لو حد تبناه بجد هيغير شكل كل بيت في العالم .... بالنسبه لموضوع انى اجيب الفيديو كامل ..... اشمعني نجيب اللي هجيبله فيديو كامل لو هنمشي بالمبدأ دا يا استاذنا يبقي المفترض بقي ننزل فيديوهات كامله لاي حد بننتقده زي الشيخ الشحات والشيخ الحويني وغيرهم اللي الفيديوهات المتقطعه من احاديثهم ماليا الدنيا وتصيد اخطائهم مبيهداش
طيب هنقول ان الفيديو التاني بعد خطاب المخلوع العاطفي اللي مصر كلها بعده قالت كفايه كدا علي الراجل ..... مخدتش بالك من كلامه ان فيه اصابع خارجيه ... مخدتش بالك ان دي كانت نفس نغمة كلام عمر سليمان واحمد شفيق ... اللي انا مقتنع بيه بلا جدال ولا نقاش ان نجيب سويرس ابن من ابناء النظام السابق لكن انا مش عارف قدر يستخبي كدا عن عيون الناس ازاي .... نجيب سويرس من منتفعي وحرمية النظام السابق .... وارض الجونه تشهد هي وشبكة موبينيل .... وبعدين هي الناس ناسيه قضيت التجسس اللي شغاله في المحاكم اليومين دول واللي رجله جت فيها هو وموبينيل واللي بيحاولو دلوقتى في الخفاء انهم يزحزحوه منها ... اذا كان فيه مؤمره علي البلد يبقي منه هو وامثاله ... وعشان نكون واضحين مكنش في حد بيظبط نفسه مع النظام السابق الا لما يظبط نفسه مع امريكا واسرائيل عشان ينول الرضا .. ممكن يكون الكلام اللي بقوله كلام مرسل وبدون دليل بس انا واثق انه حقيقه .. يا راجل دا مكنش في راجل اعمال في البلد يشم نفسه شويه الا ويرشق معاه علاء مبارك شريك بنسبه من راس المال .... يقدر حد يجاوب موقف نجيب سويرس وشركاته ايه من الكلام دا ؟