المشاركة الأصلية كتبت بواسطة spedoboy لا واللهي يا باشا مش بتلكك ولا حاجه وانا مزعلتش ههه ماشى يا برنس بس انا حاسس ان فيه تجني شديد علي الاسلاميين من الليبراليين ... من كلامهم والله يا برنس مش من عندياتنا وليس بأستهداف لأشخاص بل لأفكار وأديك شايف الديموقراطية والرأى الأخر من أول كام يوم علطول أتغير رأى الشيخ عبد المنعم الشحات واتحول بعد ما كان رافض الأحزاب وتداول السلطة وكفر الديموقراطية ... أصبح لأ مش قصدى أنا كنت بقول على الديموقراطية الغربية مش المصرية ... ولسة الأنفتاح على المجتمع بيطور الناس شمال ويمين ... عمرو حمزاوى مرة كان سرحان وسألوه عن الزواج المدنى قال معنديش مانع ولما شاف الحلقة تانى بنفسه طلع لوحده قال أنا بقول معنديش مانع لو عقيدة المجتمع قبلت كدا لكن فى مصر لامسلمين ولا مسيحيين هيقبلوا كدا ... وأصلا السؤال دة كان بسبب مشاكل فى الزواج الكنسى ( طبعا كل الكلام دة علشان محدش يقول أشمعنى أتكلمت على الشحات وحمزاوى لأ - رغم أن حمزاوى مكنش بيقول ربنا قال ولما حس أنه غلط رجع علطول - لكن م.الشحات كان بيقول دا يتعارض مع حكم الله ومع الأسلام ) ايه المشكله لما يطلع واحد ولا اتنين يقولو كلمتين متشددين شويه المهم مبدأ التيار كله ايه والاهم من دا الشعب نفسه هيقبل بايه يمعني يعني لو التيار دا متشدد جدا وحاجه مفيش بعد كدا يعني من الاخر عايزينها تبقي افغانستان التانيه مش هقولك ايران هل الشعب المصري هيقبل بكدا انا اقدر اقولك بقلب جامد ان المسلم قبل المسيحي هيرفض مصر تبقي كدا لأ أنا أول ما تفوق الحرية والعدالة قلت عدينا أفغانستان والصومال وفاضل نعدى مرحلة أيران و دة لسة محصلش . ... لكن هل بردو لما ييجي واحد يقولك انا همنع الخمره وهمنع شواطيء العراه وهمنع كازينوهات القمار طيب رئيس حزب الأصالة السلفى النهاردة المتحالف مع حزب النور النهاردة قال هسيب كل دة !!!! وفي نفس الوقت انا هديك بدائل تانيه وهنشط السياحه بطرق تانيه بحيث انى ابقي شلت الحجات اللي مفيش دين بيقبلها لا مسلم ولا مسيحي وفي نفس الوقت اقتصاد البلد متأثرش لانى اوجدتلك بدائل اخري هل الكلام دا يزعل .... اعتقد انه ميزعلش حد واللهي كل اللي نفسي فيه اننا نديهم فرصه يشتغلوا ونستناهم اقليه واغلبيه نلبدلهم في الدره ... ونشوف هيعملوا ايه لكن منهاجمش لمجرد انهم حركه اسلاميه زي ما ذكرت في السباق ادوهم فرصه يشتغلو وبعد كدا حاسبوهم ... نديهم فرصتهم يا ريس وماله ودة مش بمزاجنا حتى دا أختيار شعب مصر ولازم نحترمه . يمكن كلامي السابق يديك ايحاء انى عضو في الاخوان او انى من عيله تنتمي للوهابيين لكن انا واحد عادي خالص زي زي ملايين الشباب في مصر مقبلش ان مراتي تمشي بلبس محزق وملزق وتلبس مايوه عشان الليبراليه .... ولا ارضي انها تلبس نقاب واسود في اسود عشان اسلاميه ... لالالا بالعكس وانا بشكر حضرتك علي ردودك وانا لما قلت مش عايز ارد يعني عشان محدش يزعل لانى بحب كل الاعضاء اللي هنا وبحب المنتدي ومش عايز ازعل من حد فيه لان ببساطه دي اول مره في حياتي اعمل اشتراك في منتدي واواظب علي الدخول عليه يوميا ومنساش اليوزر بتاعي عليه ودا لانى لقيت هنا ناس محترمه ابتداءا من المدير العام الي اصغر عضو هنا واتعلمت هنا حاجه محترمه وعلم زي الفوركس .... وربنا يهدي الحال ويوحد صفوفنا ويولينا الاصلح اللي يحط مصلحة مصر وشعبها فوق كل اعتبار المشاركة الأصلية كتبت بواسطة Tarek adel مش عارف ازاى بتقول ان المصريين مش هيسمحوا يكونوا افغانستان...طيب قولى كده لو كان حلمهم اننا نبقه افغانستان كانوا انتخبوا مين زياده منتخبهوش السنه دى؟!؟!؟! هاتلى واحد بس متشدد سقط فى الانتخابات دى. وطبعا نتيجة الانتخابات بالنسبه لى مش مقدسه لأنى عارف الشعب ده بيفكر ازاى..ده انا فاكر مره قرأت احصائيتين فى منتهى العجب... الاحصائيه الاولى: 85% من استخدام الانترنت فى مصر يكون للمواقع الاباحية والكلمه الاكثر بحثا على جووجل هى كلمة Sex الاحصائية الثانية: 90% من المصريين يؤيدوا حجب المواقع الاباحية!!!!!!!!!!!!!!!!!!!! ههههه جووووووول ... فية دراسة بتقول أن المصريين بتوع أجابات نموذجية يعنى أجابتهم على أى سؤال مش بتكون اللى فى قلبهم وللا ناتجة عن علم لكن ناتجة عن توقع الرد المثالى فين ... يعنى أسأل 100 واحد مين أول شعب زرع المكرونة وأعطى 3 أختيارات ( الفراعنة - الصين -أمريكا) هتلاقى 90% الأجابة تونس ...قصدى الفراعنة .... رغم أن المكرونة مش بتتزرع أصلا ههههه.... وجرب . المشاركة الأصلية كتبت بواسطة spedoboy وبما اننا عدنا للنقاش انا عايز اضيف الفيديو دا وهو رد لعلماء مسلمين لهم ثقلهم ... علي الاستاذ عبد الله الشحات .... علماء من امثال شيخنا الجليل محمد متولي الشعراوي والشيخ المحترم وجدي غنيم والشيخ الاستاذ راغب السرجاني وغيرهم ..... كما ان الفيديو يختتم بمقوله رائعه للاستاذ الفذ العلامه ...... عمرو باشا اديب .......... ارجو المشاهدة با شا شوف تعليقات المصريين والسعوديين تحت الفيديو فى اليوتيوب وشوف كلمة علماء تعليق الناس عليها أية ووضع هؤلاء العلماء مع الشيخ الشعراوى فى نفس الفيديو رأى الناس فيه أية !!؟؟!!! وأنصحك تدور كمان على فيديوهات "الشيخ المحترم وجدي غنيم" وتتفرج عليها وتكون رأيك عنه وبردو تشوف طريقة تعليقه على الشيخ الفاضل محمد حسان بعد خطابه فى وقفة عرفات ( ربنا يكتبها لك ) يعنى أتفرج له على 10-15 فيديو كدا بس ياريت نفضل صحاب بعدها ههههه. عمرو اديب كان واضح انه بيهزر أو غلط واليومين دوول صحح غلطته وقال قاعد لكم مش ماشى وهى دى الديموقراطية ولازم نقبلها .... أنا قلت لك الحرية والديموقراطية بتصحح الناس شمل ويمين ... كمان لو شوفت خطب أردوغان قبل ما يمسك الحكم هتقول دا أبو لهب بيتكلم وهيجيب تركيا فى ستين داهية لكن بعد ما مسك الحكم بمدة ولما جه مصر أحتفل به المتأسلمين وأستقبلوه استقبال الفاتحين الغزاة لكن لما ألقى كلمته العلمانيين واللليبراليين كانوا بيرقصوا فى الشوارع وكان اللى أستقبلوه نازلين شتيمة فية ومصر ليست تركيا وكلام من اللى قلبك يحبه ....لدرجة عندى فى الشغل تانى يوم بقول " أرد.... " وكنت هتكلم فى موضوع تانى خالص . 3-4 صرخوا لأ مصر مش تركيا و... و... ومعرفتش أقول لهم مكنتش هقول أسم الراجل غير بعد ما خلصوا كلام ... كل ما أفتح بقى يصرخوا لغاية ما خلصوا اللى فى قلبهم وسمعونى وضحكنا كلنا .....ههههههههههه المشاركة الأصلية كتبت بواسطة spedoboy انا بس نفسي اسالك سؤال يا باشا انت مش عاجبك الاسلام يا بية الراجل بيتكلم على الناس اللى بتدعى انها اللى بتمثل الأسلام لكن محدش يقدر يغلط فى الأسلام لا شفوى ولا تحريرى ولا بالنية حتى . انت ايه اللي يعجبك بالظبط ؟ المشاركة الأصلية كتبت بواسطة spedoboy معلش انا عندي سؤال شخصي شوبه .... هو انت مولود ومتربي وعايش مصر ولا قضيت فتره طويله بره ... وعموما يا باشا ليك حق في اعتقادك دا ان الاسلام ملوش دعوه بالسياسه لان مفيش نموذج ناجح لدوله مسلمه في العصر الحديث .... تركيا ماليزيا ودول تانية كتير أختار حاجة بس غير أيران والنبى . والنموذج الافغاني والايراني يطغي علي الساحه ... لكن سواء اتفقنا ام اختلفنا الاغلبيه الآن مسلمه وخلينا نأمل ان تكون مصر اول نموذج ناجح للدوله ذات المرجعيه الشرعيه الاسلاميه في العصر الحديث ولكن اذا لا قدر الله لم يتم فتأكد ان دا مش كسور وعيب في الاسلام ولكنه كسور وعيب في البشر القائمين عليه تمام يا ريس متفقين علشان كدا قولنا محدش يقول أنا الأسلام والباقى كفرة . المشاركة الأصلية كتبت بواسطة farok فيديو رائع وجميل عايز اعرف رأى الاستاذ امير عيسى فيه خصوصا انه من عالم العلماء الشيخ الشعراوى زى ماهوه قال قبل كده وياريت اعرف رأيه فى فيديو للشيخ احمد السيسى لانى عرفت انه بيحبه الشيخ السيسى حر يقول رأية لأن حسب ما سمعت له وسمعت عنه الراجل دة لو رحت قلت له أوحش كلام فى بالك هيقول لك طب تعالى كدا وياخدك على جنب ويقعد بك على أرض الجامع وياخد ويدى معاك فى الكلام لغاية ما تقول كل اللى فى نفسك وتمشى بسلام ولا يشنع عليك ولا يقول كافر سواء أقتنعت أو لم تقتنع ... أذن أنا مختلف معه كثيرا لكنى لازلت أحبه كثيرا . المشاركة الأصلية كتبت بواسطة Amir Issa وده فيديو لواحد ليبرالى وعلمانى و........... انا متفق معاه وأنا كمان متفق ... وتصدق بأية ساويرس كمان متفق ههههههههههه المشاركة الأصلية كتبت بواسطة spedoboy امير باشا انت اتفرجت علي الفيديو بتاعي ولا لاء .... ارجوك تتفرج عليه ..... وعلي فكره بدء يبقي فيه نقطة اتفاق وضحتها في تعليقك يا ريس الأتفاق مش فى نقط دة فى خطوط ومسارات بس هو حسنى بس اللى ربى الناس على التوجس والخوف من بعضهم وأنهم ميسمعوش بعض . المشاركة الأصلية كتبت بواسطة spedoboy وانا بس عايز اوضحلك نقطه اني لما برد عليك في تعليق مش بشكك فيك ولا في اسلامك ولا كل الكلام دا انا أمين ... الحمد لله وهو المطلوب أثباته يا ريس يعنى ... أمير مسلم موحد بالله مش كافر .. ياريت بقى متصدقش حد يقول غير كدا ... المشاركة الأصلية كتبت بواسطة Amir Issa حينما انتصر السلفيون في بعض مقاعد الجولة الاولى قال عبدالمنعم الشحات انتصر الاسلام .. الان وبعد هزيمته هل انهزم الاسلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أذكر كل متشدد.....بقول الله تعالي >>>> فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ.............صدق الله العظيم أحنا هنا بنتكلم سياسة...يعني في مؤيدين وفي معارضين ده تعليق يبين ان المفروض مش اى حد يتكلم بأسم الدين الاسلام اكبر من اى فصيل يدعى نصره الدين يا رب الكلام يتفهم صح .
انا بس نفسي اسالك سؤال يا باشا انت مش عاجبك الاسلام
يا بية الراجل بيتكلم على الناس اللى بتدعى انها اللى بتمثل الأسلام لكن محدش يقدر يغلط فى الأسلام لا شفوى ولا تحريرى ولا بالنية حتى .
انت ايه اللي يعجبك بالظبط ؟
وانا بس عايز اوضحلك نقطه اني لما برد عليك في تعليق مش بشكك فيك ولا في اسلامك ولا كل الكلام دا انا