 |
 |
|
 |
|
انت بتقول مش هعرف اخليك ترد عليا بطريقه وحشه ده علي اساس اني كلمتك باسلوب وحش واسات اليك مع اني ما عملتش حاجه سوي اني اخدت من كلامك ورديت عليك وبعدين انت رديت عليا وقولت يا حسام وانا اسمي محمد حسام وقبلها لقب دكتور يا ريت تاخد بالك بعد كده مين اللي بيقلل من شخص اللي قدامه ولا هو اسلوب الليبراليين دائما انهم يحاولوا يقلبوا الايه عشان يفهموا اللي حواليهم ان اللي بيكلموه ده متعصب وعنيف
مفهوم أخذت من كلامى وحشرت فيه "مركزأوى" وحشرت فيه " مسلمين ومسيحيين " وبعدين رديت عليه .
أسم حضرتك د.محمد حسام أنا غالبية أصحابى " محمد " و لما بيكون كتير محمد فى أسكندرية أصحابك بتنادية بأسم أبيه يعنى م.محمد هشام ننده له " يا هشام " لأنى لو قلت يا محمد 15 مهندس من ال 20 مهندس هيردوا عليا ... وطبعا أ.هشام مش مهندس فغالبا مش بقول يا باشمهندس هشام بدون تقليل ولا غيره لأن مش أنا اللى هقلل أو أرفع من أنسان لأن ممكن يكون خريج معهد فنى صناعى ويعرف أكتر من مهندس بحكم الخبرة .. فشخصية الواحد هى اللى ترفعه أو تنزله لكن محدش يقدر ولا أنا يسرنى أنى أقلل من حد طبعا ... ونصيحة لو عاوز تعرف تفكير حد تسأله وش كدا "أنت بتقلل منى ؟" لكن متفترضش شئ من عندك فى كلام حد ... وأنا أسمى نادر وأنت بتكلمنى بأسم فيليب معرفش لية !!! ومفيش غير 2 نادر فى المنتدى كله واحد كاتب أسمه بكنيته والتانى أنا .
أنا كمان كنت برد عليك أنت وعلى كلامك ولا دار فى دماغى " اللى حوليهم ومتعصب والكلام دة " لكنه دار فى تفكيرك أنت وأفترضته بردو مع نفسك كدا .أنا لما دخلت موضوع تانى فى مشاركة امبارح قلت بصراحة كدا الموضوع دة متوتر ومتعصب جدا وهشارك فيه " يعنى لو شايفك متعصب كنت هقولها لك بردو ...
النقاش قلب وأصبح أنى بدافع عن نفسى عن كلمات أنت اللى قولتها على لسانى مش أنا اللى قولتها ... ياريت نركز فى أساس الموضوع .
وبعدين انا لما قولتلك ما شوفتكش بتتكلم عن مواضيع معينه كان قصدي طبعا هنا في المنتدي مش علي وجه العموم والكلام واضح
غريبة المفروض يعنى يكون المنتدى هو مكان النقاش الوحيد بالنسبة لى ؟!!!
اما عن الامام العلامه محمد عبدالوهاب كونك ما تعرفش انه من الائمه فده والله مش ذنبي وكونك انك بتحكم بلقب عالم لخريجي الازهر بس فعلي كده الامام احمد بن حنبل والامام مالك مش ائمه لانهم ما اتخرجوش من الازهر
الناس اللى زى الائمة احمد بن حنبل و مالك وأبوحنيفة والشافعى هم اللى قام على فكرهم الأزهر لكن انا بتكلم على ناس مؤهلاتها :
بكالوريوس اعلام - بكالوريوس السن - دبلوم معلمين - بكالوريوس طب و جراحة - بكالوريوس طب + ماجيستير طب اطفال - بكالوريوس تجارة- هندسة قسم كمبيوتر- ليسانس اداب قسم مساحة + ماجيستير تخطيط عمرانى - بكالوريوس خدمة اجتماعية - ليسانس حقوق - بكالوريوس هندسة قسم مدنى - بكالوريوس طب - بكالوريوس زراعة + ماجيستير و دكتوراه فى العلوم الزراعية - ليسانس حقوق + ماجيستير و دكتوراه فى القانون - بكالوريوس هندسة قسم ميكانيكا - بكالوريوس تربية قسم كمياء وطبيعة - بكالوريوس تربية قسم رياضيات ....
وبدون ذكر أسمائهم علشان ميكونش الكلام فيه طابع شخصى أفتكر أنك تعرفهم واحد واحد ... ونجحوا بقدرة قادر فى التشكيك فى علماء الأزهر وتنصيب أنفسهم علماء أو بدعم من دول مختلفة عننا فى مصر جذريا وذات طبيعة فكرية بدوية ممكن نسميهم دعاة مثلا لكن علماء صعبة معايا شوية وإلا أكون أنا بقى عالم هندسة على الكتب الهندسية اللى قريتها .
ممكن نستثنى الشيخ الفاضل محمد اسماعيل المقدم ... بكالوريوس طب + ليسانس الشريعة الاسلامية من جامعة الازهر (مع أحتفاظى بالأختلاف معه فى بعض الأراء ).
ومعلش اسمحلي هو بلال فضل ده من العلماء عشان يقف امام الشيخ العلامه محمد حسين يعقوب ويجادله بالحجه هو اي حد من عوام المسلمين جه علي باله انه يفتي في الدين يقوم يفتي
أنت مش قولت "المهم نكون أحنا الأتنين مسلمين وانا ممكن يكون ليا راي مختلف واؤيده بقول الله والرسول المهم اننا تكون مرجعيتنا واحده وصح " وللا بلال فضل مش مسلم .gif)
ومش انت ولاانا اللي نقول علي واحد زي الشيخ محمد حسين يعقوب انه مش عالم لان اللي اعطاه اجازه بالعلم هم ايضا علماء وائمه كبار بالسعوديه
اما كونك قريت لحد القران فانا مش عارف انت عايز تستدل بيها علي ايه بالظبط |
|
 |
|
 |
أه الجملة دى كنت عاوز أدلك بها على حاجتين الأولى أنك بتكلم واحد مش متعصب وأنك تحس يعنى أية ليبرالى وطباعه بيكون شكلها أية .... والتانية أنت عارف طبعا أن قراءة القرآن الكريم بطريقة صحيحة بتكون صعبة على الشخص العادى علشان التشكيل وكدا لكن أنا قلت لك كنت بقرأه له وأفهمه له كمان ( وكمان بحفظه له ) علشان تعرف أنك بتكلم شخص فاهم ودارس الكلام اللى بيقوله ( وحافظ كمان أكتر من ناس كتير ) يعنى مش شخص من النوع اللى داخل يكتب كلمتين ويشتم ويجرى .. أنا قارئ كتب أسلامية مقدرتش أحتفظ بها فى بيتى علشان معنديش مكان للكمية الكبيرة منها ... شبة اللى بتشوفهم فى المكتبات بتاعة الأفلام كدا . وبالتالى أنت بتكلم صديق مش عدو .
طبعا كل دة كلام بعيد عن الموضوع وكلام شخصى مكنش له مكان فى الموضوع .... لكن نشوف النصف الممتلئ شكرا علشان مقولتليش "أنت قصدك الأفغان كذا وكذا " وخليتنى أقعد أدافع عن نفسى فى كلام مقولتهوش تانى ... كويس أنك عديتها دى .gif)
بالتوفيق يا د.محمد حسام ..