اه طبعا ينفع تفتح حساب بالجنية المصري وترسل وتستقبل عليه بالدولار عادي
لأن بنك بلوم مصر بيفتح حساب فرعي بالدولار تحت الحساب الأساسي
عند استقبال حوالات بالدولار
بالنسبة للكريديت كارد
بيكون لها مصاريف وعمولات وضمانات وفترة سماح زي القرض بالظبط
يعني هتبقى مكلفة
بس هقولك على نظامها
هتفتح حساب بالمبلغ اللي انت عايزه هنقول مثلا 3000 جنية
مصاريف استخراج الكريديت كارد 50 جنية
الحد الائتماني بتاعها 80% يعني هيجمدوا 2400 جنية من حسابك ويحطوها في الكارد
عمولة 2% على السحب
عند سحب أي مبلغ منها بيكون قدامك فترة سماح 55 يوم لإعادة هذا المبلغ
لو مر 55 يوم بدون إعادة المبلغ هيبدأوا يحسبوا فوائد بنسبة 1.5 شهريا
مع دفع مبلغ لا يقل عن 5%شهريا من المبلغ الذي تم سحبه
علشان كده بقولك مصاريفها وعمولاتها كتير ومكلفة
لأن البطاقة دي بتكون دائنة ليك
فانت تقدر تستخم الديبت كارد أفضل لأنها بتكون زي الكريديت كارد
ولكن ليس لها مصاريف او عمولات او فترة سماح
لأنها بتسحب مباشرة من رصيدك
فبتكون البطاقة دي مدينة ليك
واف اكس سوليوشنز بتقبلها عادي مافيش مشاكل مادام مرتبطة بحساب بنكي
وأي استفسار آخر لا تتردد