السلام عليكم
أخوانى بالنسبة لموضوع البروكر الى بنشتغل معاه
كان اتفتح الموضوع ده قبل كده هنا لكن ما استمرش للأسف
الأكسبيرت ربيع 1 محتاج بروكر يكون الأسبريد بتاعه معقول خصوصا فى الفترة الى بيشتغل فيها
عندى فى IBFX الأسبريد ممتاز لكن أول مرة ألاحظ انه ممكن يوصل لأرقام فلكية فى فترة عمل الأكسبيرت على عملات مثل GBP-CHF كان احيانا بيوصل ل 16 و 18 و متوسط ما بين 10 و14 بيب فرق وطبعا الأكسبيرت كان بيعانى معاه بسبب الأسبريد علشان يغلق على ربح
طبعا كما ذكرت انا لم الاحظ هذا الموضوع من قبل لأنى لم أعمل على هذه العملة أو على EUR-CHF من قبل والتى الأسبريد بتاعها كان بيعدى ال 10 نقاط احيانا برضه
ملحوظه الأسبريد بيوصل عندى للأرقام دى فى الفترة المسائية الى بيشتغل فيها الأكسبيرت فقط غير كده بالكتير 7 نقط لل GBP-CHF و اربعة نقاط لل EUR-CHF فى فترات السيوله العاديه على مدار اليوم لكن احنا يهمنا فترة عمل الأكسبيرت طبعا
طيب عاوزين نوصل لبروكر يكون الأسبريد بتاعه مناسب - مش عارف لو الأسبريد ثابت ده هيبقى افضل ولا لأ ولو انه من الناحية النظرية أفضل
فى انتظار اقتراحاتكم ومشاركاتكم فى رحلة البحث
وتقبلوا تحياتى