اولا في فرق بين التحليل الأساسي وما تقصده
التحليل الأساسي بيكون على جميع البيانات الاقتصادية وتصريحات المسئولين وكذلك الاخبار الطارئة خلال فترة معينة
لتحديد قوة الاقتصاد وقوة العملة على المدى الطويل قد تكون أيام وأسابيع وشهور
فهو يعطينا نظرة عميقة شاملة للسوق
والتحليل الأساسي لا يقوم أبدا على مؤشر أو بيان أو خبر منفرد مستحيييييييييييل
لكن اللي نقصده هنا ممكن نسميه اللعب مع الأخبار أو الراليات أو المضاربة على الانفجار السعري
يبقى احنا دلوقتي مالناش دعوة بالتحليل الأساسي
نيجي بقى لشركات الوساطة
مافيش شركة وساطة على وجه الأرض تقدر تضمنلك أي أوامر وقت الانفجار السعري طبقا لسياسة السوق النشط
وهما مالهمش ذنب طبعا
لأن العميل بيتحمل المسئولية إذا اراد أن يتاجر وقت السوق النشط مثل ما يتحملها في الظروف العادية
ودي سياسة عامة وقوانين
الأوامر اللي مابتكونش مضمونة هي أي أمر فيه نقاط وقف سواء أوامر دخول او أوامر خروج
أمر شراء نقاط الوقف (الشراء من اعلى)
أمر بيع نقاط الوقف (البيع من أسفل)
أمر وقف الخسارة
buy stop
sell stop
stop loss
يعني ممكن تلاقيها اتفعلت عند رقم تاني غير اللي حددته
وإذا لم يكن من الاخبار بد
فلازم يكون من خلال طريقة أو استراتيجية انت جربتها كويس
وبخصوص إدارة رأس المال
فأنا من وجه نظري الشخصية أن أفضل حل لحماية رأس المال هو الدخول فول مارجن برأس المال كله ماعدا بعض الدولارات اللتي تريد خسارتها
فإما أن تربح الكثير أو تغلق الصفقة بالمارجن كول وتكون خسارة قليلة
تاني حاجة تقسم رصيدك على حسابين في الشركة
حساب لهذا النوع من المضاربات وتسيب فيه الرصيد اللي حابب تغامر بيه
والحساب الآخر تحول عليه المكسب علشان تحميه من الخسارة
بالتوفيق إن شاء الله