طب انا عايز اعرف دلوقت
ورشة مثل رحلة المصرى هيكون ايه وضعها .؟
طب حلوتها فى بسطتها انا بحب اسلوب احمد صلاح بالاضافة ان احمد بيحلل اكثر من عملة وله اسلوبه الخاص
طب مثلا اليورو دولار هيكون له ورشة للتحليلات والتوصيات
انا بقه هخشها علشان ادور على رأى اللى انا عايزة
ده ممكن حتى التحليل اللى انا عايزه يتوه وسط المشاركات
طب شبرا مثلا ورشه له طابع خاص واستراتيجيات مميزة فهل سيت الغاء كل هذا
المبتدئين علشان مش عارفين لسه هيبدؤا منين او يعملوا ايه فطبيعى جدا انهم يصوتوا بنعم لانهم مشتتين وسط هذه الورش ومش عارفين ايه الحلو وايه الوحش
انما القدام والغير مبتدئين عارفين همه عايزين ايه وعارفين الورش الى تناسب اسلوبهم من اول نظرة فيها
والموقع به اكثر من 70% مبتدئين
اذن من الطبيعى ان يكون التصويت بنعم هو الفائز
ايه المشكلة لما تكون الورش كلها موجوده وكل ورشة لها اسلوبها وصدقونى الورش الضعيفة هتتعرف من قلة المشاركات فيها والقوية برضه هتتعرف
وكل واحد يخش على الورشة اللى هو عايزها ويحبها
وعلى فكرة ابداع الناس المحترفين هيقل جدا
يعنى واحد زى m10000 بيبدعنا بورشه المميزة
واحد زى شبرا نفس النظام
هل ابداعات الناس ده هتفضل زى ماهى لما يجد ان اسلوبة وابداعاته اختفت وسط مشاركات لموضوع واحد !!!
صدقونى الانتاج هيكون اقل وده طبيعى
انا اعرف واحد من المحترفين اللى فى الموقع وله اسلوبه الخاص قال لى لو تم الغاء الورش انا هفتحها فى منتدى اخر
لان فى ناس بتحب يكون لها اسلوبها الخاص وباسمها فقط
يعنى بيبدع ويقدم اشياء كثيرة ولكن يحب ان يراها فى موضوع خاص باسمه فهل تعتقد ان الناس ده هتستمر بعد دمج الورش والمواضيع
المشكلة اللى هيواجهها المصوتين بنعم انهم يعتقدوا انهم سيجدوا جميع الاراء فى موضوع واحد وبذلك يمكنهم اختبار الرأى الاكثر والافضل ولكنهم فى الحقيقة سيجدون أراء وتوصيات كثيرة و كلها مختلفة لكنها ايضا كلها صحيحة
لو احضرت احسن 20 محلل فنى فى العالم هتجد ان تحليلاتهم اخذت كل الجوانب والاراء ولكن كلها صحيحة
وبالتالى اللخبطة هتكون اكتر واكتر
ملحوظة للمصوتين بنعم : انا معنديش ورشة علشان محدش يفتكر انى بدافع عن ورشتى وان اصحاب الورش هم فقط الممانعون
لكن ممكن تقولوا ان هذا رأى عضو فى منتدى اف اكس ارابيا منذ سنة ويعمل فى الفوريكس منذ 5 سنوات