لا حول ولا قوة الا بالله !!!
اغيب يومين ارجع الاقى الموضوع اتشقلب و بقى حاجة غريبة ناس بتحسبن على ابو يوسف و ناس ردودها مستفزة !!
يا جماعة الله يخليكم ده عمل جماعى و من غير مليم فا يا ريت كل واحد يفهم كده كويس
ناس تانية غير ابو يوسف كان يقولك انا هبيع الاكسبيرت ده بمبلغ محترم و مش فارقة معاه تكسب و لا تخسر و خصوصا انه ده مصدر رزقى الوحيد
فا يا ريت بلاش ردودكم المستفزة ديه و كلنا هنساعد بعض و الله بس اتعبوا شوية و اقروا اول صفحة كويس و اقروا شرح تركيب الاكسبيرت
و الله لو تعبت ساعتين فى قراية الموضوع هيبقى احسن من انك تقعد تسأل و تستنى الرد
و بخصوص المنصات و فروق التوقيت سبحان الله احنا جبنا يجى 5 شركات تداول هوت فوركس و اف اكس دى دى و البارى ... الخ
و قلنا التوقيت بتاعها كام و برده ناس بتروح على شركات غريبة و هما مش عارفين اساسا اذا كانوا بيقبلوا بعمل الاكسبيرتات ام لأ
طيب ياخى ماتفتح حسابك مع شركة من الشركات اللى احنا بنجرب معاهم على الاقل مضمونين و عارفين لو حصلت مشكلة هنرجع حقنا ازاى
اعذرونى بس الردود اللى شفتها عصبتنى بصراحة و خصوصا رد مستر فوركس اللى بيقول انتوا شغلتوا الاكسبيرت و مش فارقة معاكم الناس التانية !! و الاخ اللى حسبن على ابو يوسف
عامة انا موجود فى استفسار انتوا عايزينه و يا رب اقدر ارد عليها كلها و يكون رد صحيح