اولا بعتذر عن الانقطاع الفترة اللي فاتت بس ده لظروف العيد وكل سنة وانتم طيبين
ثانيا كمان اربع ساعات ونصف تقريبا يعني الساعه 2.30 بتوقيت مصر في خبرين في منتهي منتهي الاهمية علي الاسترالي وهم "التغير في التوظيف و معدلات البطالة " وكلنا عارفين اثر الخبرين دول بيبقي عامل ازاي
ده من الناحية الاساسية
من الناحية الفنية بصوا علي الشارت والنموذج المتكون علي فريم الاربع ساعات
ايه رأيكم في التناغم اللي ممكن يحصل اذا طلعت الاخبار سلبية ودفعت السعر في حدود 70 نقطة لتحت " لسه نفس الاخبار دي عملاها مع الكندي يوم الجمعه اللي فات ودفعت السعر 70 نقطة لفوق بس في نفس الوقت برجع واقول هل ممكن للنزول اللي حصل انهارده للاسترالي امام الدولار اثر وهل ممكن يخلي تأثير الاخبار لو طلعت سلبية ضعيف نوعا ما ؟؟ الله أعلم " المهم خلينا في موضوعنا اذا نزل السعر في حدود ال 7 نقطة واستقر في التداول في المستوي وهيبقي اتكسر خط العنف ولو تم تأكيد الكسر بشمعة اربع ساعات هيبقي امامنا بإذن الله مزيد من الهبوط وبأهداف نهائية 470 نقطة تقريبا واول الاهداف بإذن الله هيكون مستوي فيبوناتشي 61 عند 0.9908
الموضوع مطروح للنقاش وفي انتظار اراء الجميع وشكراً
