اسبوع موفق للجميع ان شاء الله,
أنا لاحظت من فترة ان توقيت ال GMT للاكسبرت لا يعتمد فقط علي توقيت المنصة و انما يعتمد علي الفرق بين توقيت المنصة و توقيت مصر لأننا بكل بساطة عاوزين الاكسبيرت يشتغل من 21-24 بتوقيت مصر أو ممكن متوجعش دماغك و تحط "0" في ال GMT علي طول و تحسب الفرق بين توقيت المنصة و توقيت مصر و تضيف الفرق ده علي الميعاد الرسمي ال هو 21-24 (يعني شركة HotForex علي سبيل المثال كان توقيتها GMT+3 و توقيت مصر GMT+2 يعني ممكن تحط "1" في خانة الGMT و توقيت عمل الاكسبرت 21-24 أو تحط "0" في خانة الGMT و توقيت عمل الاكسبرت يكون 22-1), و ده ينطبق علي جميع المنصات.
و طبعاً بالنسبة لتوقيت عمل الاكسبرت في بلدك المقيم فيها هيكون سهل تعرفه لأنه 21-24 بتوقيت مصر دائماً.
أرجو أكون أفدت في النهاية و كل واحد يقدر يعرف التوقيت بنفسه دون الحاجة الي السؤال.
أسف نسيت أقول أنك تقدر تعرف توقيت المنصة بسهولة, بمجرد مقارنتها بتوقيت بلدك الأن فأنت طبعاً تعرف توقيت بلدك بالنسبة ل GMT, يعني مثلاً لو المنصة مأخرة ساعتين عن توقيت بلدك و أنت تعرف ان توقيت بلدك GMT +4 (مثلاً) يبقي سهل جداً تعرف ان توقيت المنصة GMT +2.