 |
 |
|
 |
|
موضوع جميل جداً و لكن  هذا وقت التعلم و التعلم فقط بحساب غير حقيقي للأسباب التاليه:
فأولاً: أنت أكيد سوف تخسر معظم نقودك أثناء هذا التدريب و إذا حققت ارباح و أنت لسه مش فاهم ليه انت حققتها ف ده محض صدفه أو حظ و ده ممكن يكون فيه شبهة القمار.
ثانياً: طبيعي جداً انك تفضل تخسر في الأول لأنك بتتعلم من أخطائك و لكن عندما تخسر نقود حقيقية ده ممكن يخليك متشائم و يكرهك في الفوركس أكثر من أعطائك خبرة فيها.
ثالثاً: لا يمكن تحديد ال Stop-Lose مسبقاً و يكون ثابت في كل الصفقات لأن كل صفقه و ظروفها حسب علمي و ده علي حسب تقديرك أنت فين أقرب مسافه ممكن تضع ال Stop-Lose فيها لتكون خسارتك أقل ما يكون في حالة السعر عكس عليك لا قدر الله و ده طبعاً بيعتمد علي دخولك الصحيح في الصفقة و عدم الدخول من أي مكان و خلاص.
رابعاً: ال Lot معناه النقطه ب 10$ إلا اذا كنت تعني Mini Lot أو Micro Lot و يعني 50 نقطة تخسرك حسابك كله في صفقتين فقط.
خامساً: حساب ب 1000$ مش قليل أبداً (فأنا لا أعرف ما هي ظروفك) و لكن أعتقد أن كلنا نتفق علي ان 1000$ حساب لمبتدأ يتدرب به هو درب من الخيال
النصيحة من أخوك الصغير انك تبدأ علي الأقل شهر بحساب demo ب 1000$ أو الرقم ال أنت تريد المتاجرة به بعد التدريب.
بعد ذلك اذا حسيت أنك فاهم أنت بتربح ليه و بتخسر ليه و الصفقات الرابحه أكثر من الخاسره تقدر تفتح حساب حقيقي و لكن المتاجرة ب Micro Lot يعني النقطه ب 0.1$ لحين فهم السوق جيداً فأنت في هذا الوقت لا تسعي لتحقيق الربح المالي و لكن لحسابة النقط المحققه و بالله التوفيق.
أسف علي الاطالة |
|
 |
|
 |
اخى جينرال اضافه ومشاركه مفيده جدا منك وده الهدف اللى انا عملت منه البوست ده انا نصحح افكار ومفاهيمنا عن كيفيه المتاجره فى الفوركس
اولا وثانيا بخصوص انه المبتدأ غالبا بيخسر فلوسه فى فتره التدرب ، ده كلام حقيقى
بس ده لو هيعتمد على نفسه فقط
وده احنا مش هنعمله هنا ، احنا هندى المبتدئين زينا الفرصه انه يحلل ويدرس ولكن اتخاذ القرار هيكون بعد عمليه مقارنه بين تحليله وتحليل الخبراء
يعنى مش هيعتمد بالكامل على تحليله المبتدأ (عشان ميخسرش )
ومش هيعتمد بالكامل على التوصيات (عشان ميبقاش مش فاهم هو بيكسب ليه وبيخسر ليه وعشان يتعلم)
يعنى هى عمليه دمج بين الطريقتين فمش لازم انه هيخسر
ثالثا بخصوص نقطهخ وقف الخساره فدى بيتعمد تحديدها بطريقتيين على حسب اهدافك وطريقتك فى المتاجره:
1- نقطه وقف خساره ثابته بتكون تمثل 5 % من حسابك او 50 نقطه
ودى بتخليك تدخل اى صفقه وانت متوقع انه اقصى خساره لن تمثل سوى 5 % فقط من حسابك .. يعنى محتاج تخسر 20 صفقه عشان تخسر حسابك لا قدر الله
2- نقطه وقف الخساره = نقطه الدعم او المقاومه + 15
، بحيث انه لو تم كسر هذا المستوى على غعير المتوقع فانت بتخرج من صفقاتك ولكن بتدى السوق فرصه انه يختبر مجددا مستوى الدعم او المقاومه ده
مثلا انا توقعت انه سعر اليورو /دولار راح ينخفض اكثر
فقمت بالدخول فى صفقه" بيع " قبل نقطه مقاومه جيده ب 15 نقطه مثلا
عندها ممكن نخلى نقطه وقف الخساره ب 30 نقطه مثلا
بحيث انه لو سعر اليورو ارتفع وكسر نقطه المقاومه وقتها بتزيد احتماليه انه ممكن يكمل ارتفاع ولازم تخرج من صفقاتك
ولكن ال 15 نقطه ىالزياده دى بتدى السوق حيز انه يختبر نقطه المقاومه مره اخرى
رابعا : فعلا اخى انا اقصد مينى لوت اعذرنى
خامسا : الحساب 1000 دولار مش صغير فعلا .. بس انا مش داخل اتدرب عليه فقط انا بشغلهم كمان
مانا قولتلك هنتدرب وفى نفس الوقت مش هناخد اى قرار من غير مراجعه شركه توصيات مثلا وخبراء الفوركس
واخيرا طبعا شكرا لمشاركتك الجميله واتمنى انى تستمر دايما لاننا بنتعلم من بعض
شكرا ليك