انا عندى حساب فى البورصه ومن واقع خبرتى الفوركس ولا البورصه افضل فالمقارنه صعبه شوية بين الفوركس والبورصة
اولا البورصه المصرية مش محتاجه تحليل فنى لانها بتعتمد كلها على الجيمات ومفتاح الربح فى البورصه هو حجم التداول ولاتقولى شارتات ولا موشرات طلما حجم التداول بيزيد والسعر بيزيد انت جوه السوق طب لو حجم التداول بيقل والسعر بيزيد انت كده بره السوق ده اختصار الربح فى البورصه
تعالى بقى للفوركس موشرات وتحليل وفيبوناتشى وشموع ودعم ومقاومات وموجات اليوت عللللللللللللم كبيييييييييييييير اوى فى الفوركس
تعالى بقى للربح فى البورصه المحترف ممكن يدبل حسابوا فى 3 شهور على الاقل وبتكون بتلعب بالنار
اما فى الفوركس ممكن تدبل حسابك وانت مرتاح فى يومين وبردوا بتلعب بالنار بس على راى المثل ان سرقت اسرق جمل
راحه البال فى البورصه الجلسه محدده من الساعه 10 لحد الساعه 2 وبعديها بتقدر تاخد نفسك وتريح بالك
فى الفوركس 24 ساعه شغال قلق مستمر ولكن بتقدر تختار الوقت اللى هتقدر تفرغ نفسك فى
فى البورصه انت عارف انت بتشترى اى وممكن لو وصلت نسبتك 10% من نسبه الاسهم تقدم طلب لتكون عضو فى مجلس الاداره
فى الفوركس انت بتشترى الهواء
وده راى الشخصى فى الفرق بين الاتنين
لكن دلوقتى مش انصح اى حد بالاستثمار فى البورصه للوضع الحالى والظروف الحاليه لذالك اتجهت الى الفوركس